¡EEJA MAʼIN PAAʼIN!
Shapaasü maʼin saaʼin wayuu soʼu 2023 | ¿Jamüsüche sünüiki tü Bibliakat süchiki tia?
Sutuma tü alatakat sainküin mmakat soʼu juyakat 2023, wayaawata aaʼu shikeraajüin tü sümakat tü Bibliakat süchiki tü kasa alatajatkat «sülüʼütpa sükalia süpüla sajaʼttüin kasa mojusü» (2 Timoteo 3:1). Tü alatakat maaʼulu wanaawasü sümaa tü aküjünatüjütkalia suluʼu tü Bibliakat. Wekirajaa sünain tia.
Tü sümakat tü Bibliakat otta tü alatakat sainküin mma
«Aapeena jia süchiki atkawaa suluʼu mma pejepünaa jünain jee suluʼu mma wattapünaa» (Mateo 24:6).
«Akooʼomüinraasü maʼin tü atkawaakat suluʼu waneirua mma». a
Paashajeʼera tü pütchikat «¿Jara akaalinjeenaka na wayuu nnojoliikana sünainpünaain atkawaa?» otta «Alatüsü suulia 2 billones dólares akataajünaka sünain atkawaa».
«Akutkujaweerü mma sainküinpünaa mmakat» (Marcos 13:8).
«Soʼujee juyakat 2023, akutkujaasü wainmatua tü mmakat sümaa emetuluin maʼin shia (poloo apünüinmüin sülatüin tia). Nnojotyülia alatüin wanee kasa makalü aka saaʼin tia». b
Paashajeʼera tü pütchikat «Akutkujaasü tü mmakat chaa Turquía otta Siria».
«Shiʼreerü wayuu kasa mmoleetka eema shia» (Lucas 21:11).
«Jaʼireesia maʼin tü mmakat nutuma chi kaʼikai suulia sümaiwa» (António Guterres, secretario general de las Naciones Unidas). c
Paashajeʼera tü pütchikat «Aisü maʼin walatshi sainküin mmakat soʼu 2023».
«Aijeerü jamü» (Mateo 24:7).
«Kapüleesü nümüin wanee wayuu naapüin tü kasa choʼujaakat sümüin nüpüshi soʼu tü juyakat 2023». d
Paashajeʼera tü pütchikat «Akooʼomüinraajeerü tü jamükat sainküin mmakat sutuma tü atkawaakat otta tü kanüliakat cambio climático».
Kapüleejeerü maʼin tü kasa alatakat jee keemeerü maʼin tü mmapaʼakat (2 Timoteo 3:1).
«Saʼakajee mekiisat wayuu sainküin mmakat eesü wanee mojuka aaʼin» e
Paashajeʼera tü pütchikat «Kooʼomüinshii maʼin na jimaʼaliikana jee na majayünnüü mojukana aaʼin».
¿Kaseerü alataka soʼu 2024?
Nnojotsü jaralüin atüjaain saaʼu tü alatüinjatkat soʼu 2024. Watüjaapejeʼe saaʼu sutuma tü kasa alatakat maaʼulu, sülüʼülüin süpüla nuluwataainjachin Maleiwa saaʼu tü mmakat otta najaʼttireerü sukuwaʼipa suluwataaya wayuu jee tü müliakalü atuma saaʼin wayuu (Daniel 2:44; Apocalipsis 21:4).
Sümaʼainruʼu sülatüin tia, wachunta kaalinwaa nümüin Maleiwa shapaale waaʼin. Anuu tü sümakat tü Bibliakat:
«Mmorüle taya, teʼitaain taaʼin pünain» (Salmo 56:3).
¿Kasa waaʼinrajatka süpüla weʼitaain waaʼin nünain Maleiwa? Eeshi süpüla pikirajaain sünain tü sümakat tü Bibliakat süchiki nnojoleerüin müliain wayuu. Pikirajaa wamaa sünain tü Bibliakat süpüla piyaawatüin saaʼu tü kasa anasü piʼreetkat namaa na püpüshikana sutuma jütüjaain saaʼu tü naaʼinrajatkat Maleiwa mapeena.
a Foreign Affairs, «A World at War: What Is Behind the Global Explosion of Violent Conflict?» (Un mundo en guerra: ¿Qué hay detrás de la explosión mundial de conflictos violentos?) sutuma Emma Beals otta Peter Salisbury; oʼutuupüroʼu 30 soʼu 2023.
b Earthquake News, «2023: La cantidad de grandes terremotos pronto batirá récords»; maayoʼu soʼu 2023.
c Naciones Unidas, «Secretary-Generalʼs Opening Remarks at Press Conference on Climate» (comentarios del secretario general sobre el clima en una rueda de prensa); juulioʼu 27 soʼu 2023.
d Programa Mundial de Alimentos, «Una crisis alimentaria mundial».
e Organización Mundial de la Salud, «Día Mundial de la Salud Mental»; oʼutuupüroʼu 10 soʼu 2023.
Eesüjaʼa kamalainjeerüle pümüin aashajeʼeraa tüü
WATÜJAAINJATKA AAʼU SÜNAINJEE TÜ SÜMAKAT TÜ BIBLIAKAT
¿Paapüirü süchiki Nuluwataainjachin Maleiwa?
Tü nikirajakat maʼin anain Jesuu sünain aküjaa pütchi, shia süchiki Nuluwataaya Maleiwa. Kakaliairü achuntuin wayuu süpüla süntüin Nuluwataaya Maleiwa.
¡EEJA WAAʼIN!
Tü paaʼinrajatkat süshapataale paaʼin
Aküjüneerü waneirua pütchi suluʼujee tü Wiwüliakat akaalinjeechika pia süpüla nnojolin süshapataain maʼin paaʼin otta tü paaʼinrajatkat sülatüle tia pümüin.
WACHIKI
Puchunta puwaraijaanüin aaʼu
Pikirajaa wanee pütchi sümaka tü Bibliakat jee shiale piʼraajüin nakuwaʼipa na aküjaliikana pütchi nüchiki Jehová.
