Paashajeʼera Jeremías 38:1-13 süpüla watüjain saaʼu jamüin yalayalaka naaʼin Jeremías chi nünüikimaajachikai otta Ébed-Mélec.

Pikirajaa sooʼomüin. ¿Jamüsü yalayalainjatkaʼa naaʼin Jeremías nüküjapa tü pütchi nümaʼanajeejatka Maleiwa? (Jer. 27:12-14; 28:15-17; 37:6-10). ¿Jamüsü naaʼin na wayuu aapajakana tia pütchikat? (Jer. 37:15, 16).

Püchajaa sooʼomüin pütchi. ¿Kasa apüleeruaanaka aka naaʼin Jeremías? (jr-S 26, 27 püt. 20-22). Pikiraja sooʼomüin süchiki tü ishi opotonokot sümaiwa paala (it-1-S 489).¿Jamüsüche saaʼin pümüin naaʼin Jeremías wanaa sümaa nimerojooin saʼaka tü pootshi yalapa nia suluʼu tü ishikat? ¿Kasache eeka süpüla mmoluin atuma naaʼin Ébed-Mélec? (w12-S 1/5 31 püt. 2, 3).

Jülüja paaʼin tü pütüjakat sünainjee. Püsakira paaʼin:

• «Sünainjee pütchikat tüü, ¿jamüsü watüjakaʼa saaʼu naaʼinmajüin Jehová na aʼyataashiikana nümüin?» (Sal. 97:10; Jer. 39:15-18).

• «¿Jamüsü choʼujaakaʼa yalayalain waaʼin?».

• «¿Kasa taaʼinrajatka süpüla yalayalain taaʼin jee taaʼinrüin kasa anasü süpüleeruaanapa taaʼin?» (w11-S 1/3 30). a