¡PEÑATENDE PORÃKENA!
Ijetuʼueterei ko áño 2022: ¿Mbaʼépa heʼi la Biblia?
Ko áño 2022-pe jahecha oikoha gérra, ñanderupyty umi torménta ndevaíva ha entéro mbaʼénte ojupipa de présio. Koʼã mbaʼére manterei oñeñeʼẽ kuri umi notísiape, péro la Biblia añoite la ikatúva omyesakã ñandéve mbaʼépa heʼise koʼã mbaʼe oikóva.
¿Mbaʼépa heʼise la oikopa vaʼekue 2022-pe?
Umi mbaʼe oiko vaʼekue ohechauka porã jaikomaha “umi ára pahápe”, heʼiháicha 2 Timoteo 3:1. Umi ára paha oñepyrũ kuri áño 1914-pe. La Bíbliape ojeʼéma voi kuri mbaʼe mbaʼépa oikóta ko ñane tiémpope. ¿Ojasertápa raʼe?
‘Oikóta gérra’ (Mateo 24:6).
“2022-pe jahecha jey Európape umi mbaʼe vaiete oguerúva pe gérra”. a
Ehecha pe artíkulo hérava “Rusia oike Ucrániape”.
“Oĩta ñembyahýi” (Mateo 24:7).
“Oikoʼỹ haguéicha arakaʼeve, ko 2022-pe hetaiterei oĩ ohasáva ñembyahýi”. b
Ehecha pe artíkulo hérava “Pe gérra de Ucrania káusare ijakasove la tembiʼu”.
Oĩta “opaichagua mbaʼasy” (Lucas 21:11).
“Oĩ jey orekóva polio, heta persónare osẽ pe viruela del mono ha pe COVID-19 osegi gueteri ojagarra la héntepe. Koʼã mbaʼe ohechauka umi mbaʼasy ipeligrosoitereiha ha mbaʼeve guasu ndaikatuiha jajapo ikóntrape”. c
Ehecha pe artíkulo hérava “Oĩma 6 millón omanóva COVID káusare”.
“Heta mbaʼe oporomongyhyjéva” (Lucas 21:11).
“Hakueterei rasa, oĩ séka puku, oiko inséndio ha algúno lugárpe ojagarrapa y. Pe tiémpo katu okambiapa rei, sapyʼánte derrepentete voi. Upéva heta perhuísio ogueru, heta persóna omano voi ha algúno katu ohejámante pe lugár oikoha. Ndaipóri hesarái vaʼerã ko 2022-gui”. d
Ehecha pe artíkulo hérava: “Hakuetereive opárupi koʼág̃a”.
‘Oikóta sarambi’ (nótape heʼi: “opuʼãva ojuehe”; Lucas 21:9).
“Umi hénte inerviosopa pórke hendy la situasión, koʼýte koʼág̃a pórke ojupipa entéro mbaʼe. Hetaitereíntema umi protésta ojejapo vaʼekue ko áño 2022-pe koʼã mbaʼe káusare” e.
Ehecha pe artíkulo hérava “Opárupi hepypa entéro mbaʼe”.
¿Mbaʼépa jahecháta ko áño oúvape?
Avavénte ndaikatúi oikuaa mbaʼe mbaʼépa oikóta 2023-pe. Péro oĩ peteĩ mbaʼe jaikuaa porãva oikotaha koʼẽrõite: Ñandejára Rréino, pe goviérno oĩva yvágape, okambiáta pe situasión jahecháva hína koʼág̃a (Daniel 2:44). Upe goviérno oipeʼapaitéta entéro mbaʼe ñanembohasa asýva ha oñenkargáta oñekumpli hag̃ua Ñandejára volunta ko yvy ape ári (Mateo 6:9, 10).
Roipotaiterei ningo rejapo la Jesús heʼi vaʼekue Marcos 13:37-pe: “Peñatende porãke siémpre”. Péicha ikatúta rehechakuaa mbaʼéichapa oñekumpli ohóvo la Biblia heʼíva. Ikatu reñekomunika orendive oĩramo peteĩ mbaʼe reikuaasevéva. Ikatu oime reikuaase mbaʼéichapa la Biblia ikatu nepytyvõ, térã mbaʼépa rejapo vaʼerã reguereko hag̃ua peteĩ futúro iporãva ne hentekuérandi.
a AP News, “2022 Was Year the Horror of War Returned to Europe,” by Jill Lawless, December 8, 2022.
b World Food Programme, “A Global Food Crises.”
c JAMA Health Forum, “Living in an Age of Pandemics—From COVID-19 to Monkeypox, Polio, and Disease X,” by Lawrence O. Gostin, JD, September 22, 2022.
d Earth.Org, “Whatʼs Behind the Record-Breaking Extreme Weather Events of Summer 2022?” by Martina Igini, October 24, 2022.
e Carnegie Endowment for International Peace, “Economic Anger Dominated Global Protests in 2022,” by Thomas Carothers and Benjamin Feldman, December 8, 2022.
Koʼã téma ikatu ndegusta avei
ÑEMAÑAHA
Koʼẽrõitéma Ñandejára oipeʼapáta umi mbaʼe ñanembosufríva
¿Mbaʼéichapa ikatu jaikuaa Ñandejára koʼẽrõitéma oipeʼataha umi sufrimiénto ha inhustísia?
UMI MBAʼE IÑIMPORTANTEVÉVA OMBOʼÉVA LA BIBLIA
¿Mbaʼépa hína Ñandejára Rréino?
Jesús opredikárõ guare oñeʼẽve vaʼekue Ñandejára Rréinore oimeraẽ ótro mbaʼégui. Ymaite guive isegidorkuéra oñemboʼe Ñandejárape oumi hag̃ua upe Rréino.
ORE INFORMASIÓN
Aipota peteĩ Testígo ou chevisita
Ehecha la Biblia omboʼéva térã eikuaave umi testígo de Jehovápe.
