•   “Estados Unídospe haimete alamita rasa umi hénte okakuaapámava heʼi oñeñanduha haʼeño, ha umi orekóvape éntre 18 ha 25 áño oafektave ko provléma” (Informe de la máxima autoridad en salud pública de Estados Unidos sobre la soledad y el aislamiento, 2023).

•   “Pe Organización Mundial de la Salud oanunsia ko provléma haʼemaha peteĩ mbaʼasy, ha heʼi oñemoĩmaha peteĩ grúpo de persónape oinvestiga hag̃ua mbaʼéichapa ikatu oñepytyvõ umi oñeñandúvape haʼeño. Ko grúpo omokyreʼỹta umi héntepe ojeheʼave hag̃ua ojuehe, ha ohecháta mbaʼéichapa ikatu oñesolusiona ko provléma entéro umi paíspe, umi imboriahuvévape jepe” (Organización Mundial de la Salud, 15 de noviembre de 2023).

 La Biblia oreko umi konsého ikatúva ñanepytyvõ jajogueraha porã hag̃ua ñande rapichándi ha ani hag̃ua ñañeñandu ñaneaño.

 Eñehaʼã emboykeve umi aktivida ikatúva nemohaʼeño. Por ehémplo, ani eipurueterei umi rred sosiál, upéva rangue ejapo umi aktivida nepytyvõtava ehasa hag̃ua tiémpo nde rapichándi, péicha erekóta hetave amígo.

•   Téxto bíblico ikatúva nepytyvõ: “Peteĩ amígo verdadéro nderayhúta tódo el tiémpo, haʼe ningo ne ermáno oĩva nde ykére rehasa asy jave” (Proverbios 17:17).

 Eñehaʼã ejapo álgo eipytyvõ hag̃ua ótrope. Upéva nepytyvõta ejogueraha porãve hag̃ua nde rapichándi ha evyʼave hag̃ua.

•   Téxto bíblico ikatúva nepytyvõ: “Javyʼaiteve ñameʼẽvo, ñandéve oñemeʼẽ rangue” (Hechos 20:35).

 Eikuaasevéramo mbaʼe ótro téxto bíblicopa ikatu nepytyvõ ekonsegi hag̃ua ne amigorã, eike ore sítio de Internétpe.