Jesús oikuaa mbaʼépa heʼise jasufri pe delinkuénsia ha pe inhustísia káusare. Por ehémplo, reiete ojeakusa chupe ojapo hague heta mbaʼe vai, upéi oñembyepoti, ojehusga ha oñekondena chupe inhústamente. Ipahápe oñemboharái hese hikuái omano meve. Jesús ndojapói vaʼekue mbaʼevete ivaíva, upéicharõ jepe ojesakrifika umi ótro rehehápe ha ‘péicha opaga pe rreskáte oguenohẽ hag̃ua heta héntepe pekádo poguýgui’ (Mateo 20:28; Juan 15:13). Koʼág̃a ningo Jesús haʼéma Rréi Ñandejára Rréinope, ha koʼẽrõitéma oipeʼáta pe inhustísia ko yvy ape árigui, ndaiporimoʼãvéima delinkuénsia ha jaikóta pyʼaguapýpe pára siémpre (Isaías 42:3).

 La Biblia omombeʼu ñandéve mbaʼéichapa ojeikóta ko yvýpe Jesús ogoverna vove:

•   “Koʼẽrõitéma opáta umi hénte iñañáva, remañáta oĩ haguépe hikuái, ha ni hendague ndopytamoʼãi. Péro umi hénte ivuénova opytáta ko yvy ape ári, haʼekuéra ovyʼaitereíta pórke oikóta pyʼaguapýpe ha noñekevrantamoʼãi mbaʼevete asýre” (Salmo 37:10, 11).

 ¿Mbaʼépa ikatu jajapo jaagradese hag̃ua Jesúspe la ojapo vaʼekuére ñanderehehápe ha la ojapótavare hína? Lucas 22:19-pe Jesús heʼi vaʼekue umi isegidorkuérape ogueromanduʼa hag̃ua haʼe omano hague día. Káda áño, entéro testígo de Jehová oñembyaty ogueromanduʼa hag̃ua pe día Jesús omano hague. Upévare roinvita rejumi hag̃ua la Konmemorasionhápe ág̃a domingo 24 de marzo de 2024 ha jagueromanduʼa upe fécha iñimportantetéva.

Moõpa ojegueromanduʼáta Jesús sakrifísio