El 23 de mayo de 2023, pe direktór henerál de salúd púvlika Estados Unidospegua, omombeʼu mbaʼeichaite pevépa umi rred sosiál ikatu operhudika umi imitãvape.

•   “Umi rred sosiál ikatu ideprovécho umi mitã ha mitãrusúpe, péro oĩ heta pruéva ohechaukáva ikatuha avei tuicha operhudika chupekuéra. Por ehémplo oñeñandu lájare, ha avei ikatu oreko provléma emosionál upéva káusare” (Social Media and Youth Mental Health: The U.S. Surgeon Generalʼs Advisory [Las redes sociales y la salud mental de los jóvenes: Informe del director general de Salud Pública de Estados Unidos], 2023).

 Umi investigasión ojejapo vaʼekuépe ojetopa ko situasión ijetuʼuetereiha, ha ko infórme ohechauka ñandéve umíva:

•   Umi mitãrusu orekóva éntre 12 ha 15 áño ha “oipurúva umi rred sosiál mas de tres óra al día, koʼýte ikatu oreko provléma emosionál, por ehémplo ansieda térã depresión”.

•   Umi mitãrusu orekóva 14 áño katu, “amáske oipuru umi rred sosiál iprovléma hetave. Por ehémplo ndokeporãi, opensa ijehe ivaietereiha ha ndovaleiha mbaʼeverã, oñedeprimi vai, térã osufri oĩ haguére omaltratáva térã oñembohorýva hese Internet rupive. Koʼã mbaʼe koʼýte oafektave umi mitãkuñáme”.

 ¿Mbaʼépa ikatu ojapo umi sy ha túa oprotehe hag̃ua ifamiliakuérape koʼã pelígrogui? Jahechamína umi konsého porã omeʼẽva la Biblia.

 Peñatende meme hesekuéra. Pepensa mbaʼéichapa umi rred sosiál ikatu operhudika pene famíliape, ha upe rire pedesidi oipurútapa hikuái térãpa nahániri.

•   Téxto bíblico: “Ehekomboʼe pe mitãme oho hag̃ua tape porãre” (Proverbios 22:6).

•   Peikuaave hag̃ua, pelee ko artíkulo “¿Deberían mis hijos usar redes sociales?”.

 Pehejáramo pene família oipuru umi rred sosiál, pehechakuaákena umi pelígro ikatúva oñepresenta chupekuéra. ¿Mbaʼéichapa ikatu pejapo upéva?

 Peprotehe pene famíliape umi mbaʼe ikatúvagui operhudika chupekuéra. Pemboʼe chupekuéra ohechakuaa hag̃ua mbaʼe mbaʼépa ivai, ha orrechasa hag̃ua umíva.

•   Téxto bíblico: “Aníkena ni mbaʼevéicharõ peñeʼẽ tekovaíre, ni mbaʼeveichagua mbaʼe kyʼáre, ni peipotaitereiha heta mbaʼe [...]. Aníke pejapo avei mbaʼeve oporomotĩva, ni peñeʼẽ vyroreíre, ni pemombeʼu chíste tieʼỹ” (Efesios 5:3, 4).

•   Petopáta hetave konsého iporãva ko artíkulope “Enséñele a su hijo adolescente a usar con seguridad las redes sociales”.

 Pedesidi mbaʼéichapa ojepurúta umi rred sosiál. Por ehémplo, peje pene famíliape mboy tiémporepa oipurúta ha mbaʼe moméntopepa.

•   Téxto bíblico: “Peñatende porãke peiko lájare, ani peiko umi itavývaicha, síno umi iñarandúvaicha. Ha peipuru porãke pene tiémpo” (Efesios 5:15, 16).

•   Pehecha pene famíliandi pe vidéo Aníkena eipuru vai umi rred sosiál ontende hag̃ua mbaʼérepa iporã ñamoĩ límite jaipurúta jave umi rred sosiál.