Jeremías 11:1-23
11 Jehová oñeʼẽ Jeremíaspe ha heʼi chupe:
2 “¡Pehendúkena enterove mbaʼépa heʼi ko kompromíso!
Eñeʼẽ* umi kuimbaʼe Judaguápe ha umi oikóvape Jerusalénpe,
3 ha ere chupekuéra: ‘Israel Jára Jehová heʼi kóicha: “Oñemaldesi vaʼerã pe kuimbaʼe nokumplírivape ko kompromíso heʼíva,+
4 che amanda vaʼekue pende tuakuéra ypykuépe aguenohẽha díape chupekuéra Egíptogui,+ upe lugár ohasa asy haguépe hikuái oĩramoguáicha tatakua akúpe.*+ Upérõ haʼe vaʼekue chupekuéra: ‘Peneñeʼẽrendúkena chéve, ha pejapo entéro mbaʼe amandáva peẽme, upéicharõ peẽ haʼéta che puévlo ha che haʼéta pende Dios.+
5 Upéicharõ che akumplíta pe huraménto ajapo vaʼekue pende tuakuéra ypykuépe, ameʼẽtaha chupekuéra pe yvy osyryhápe kamby ha eirete,+ ha peẽ peiko hína pype koestedía peve’”’”.
Ha che ambohovái: “Amén,* Jehová”.
6 Upémarõ Jehová heʼi chéve: “Emombeʼu koʼã mbaʼe Judá siudakuérape ha Jerusalén kallekuérare: ‘Pehendu koʼã mbaʼe heʼíva ko kompromíso ha pejapo.
7 Pórke che aavisa porã kuri pende tuakuéra ypykuépe upe día aguenohẽrõ guare chupekuéra Egíptogui, ha koestedía peve ajapo upéicha haʼe jey jeývo:* “Pehendúkena che ñeʼẽ”.+
8 Péro haʼekuéra nacherendúi ni nopenái la haʼévare, upéva rangue, káda uno osegi ojapo tovaʼatãme ikorasõ ñaña oipotáva.+ Ha péicha ajapo hesekuéra umi mbaʼe heʼíva pe kompromísope, pórke ndojaposéi hikuái umi mbaʼe amanda vaʼekue’”.
9 Upéi Jehová heʼi chéve: “Opuʼã hína cherehe ñemiháme umi kuimbaʼe oĩva Judápe ha umi hénte Jerusalengua.
10 Ojevy jey hikuái umi ituakuéra ypykue rembiapo vaikuépe, umíva naiñeʼẽrenduséi vaʼekue chéve.+ Haʼekuéra oadora vaʼekue umi ótro dióspe ha oservi umívape.+ Israel rogaygua ha Judá rogaygua nokumplíri pe kompromíso ajapo vaʼekue ituakuéra ypykuéndi.+
11 Upévare Jehová heʼi péicha: ‘Aguerúta hiʼarikuéra peteĩ sarambi guasu+ ndaikatumoʼãivagui ojesalva. Ha ojerure asy vove chéve aipytyvõ hag̃ua chupekuéra, napenamoʼãi hesekuéra.+
12 Upépe umi oĩva Judá siudakuérape ha umi oikóva Jerusalénpe, ohóta ojerure asy ajúda umi dioskuérape, umívape haʼekuéra ojapo oikóvo sakrifísio,*+ péro ni mbaʼevéicharõ ndosalvamoʼãi chupekuéra oiko vove pe mbaʼe vai guasuete.
13 Judá, pende dioskuéra ningo hetaitereíma hetaháicha umi nde siudakuéra, ha hetaiterei altárma pemoĩ pe dios ndovaléivape mbaʼeverã* hetaháicha Jerusalén kallekuéra, umíva umi altár ojepuru ojejapo hag̃ua sakrifísio Baálpe’.+
14 Ha nde* katu ani reñemboʼe ko puévlo rehehápe. Aníke rejerure asy ni reñemboʼe hesehapekuéra,+ pórke nahendumoʼãi chupekuéra ojerure asy vove chéve ajúda oiko rupi hesekuéra mbaʼe vai.
15 ¿Mbaʼe derécho piko oreko ko che puévlo ahayhuetéva oĩvo che rógape?
Hetaiterei mbaʼe vaíma ningo ojapo hikuái.
¿Peẽ piko pepensa pejapógui sakrifísio* sagrádo pejeitaha pe mbaʼe vai oúvagui peẽme?
¿Pevyʼáta piko ág̃a oiko vove upéva?
16 Una ves Jehová heʼi vaʼekue nderehe nde haʼeha peteĩ olívo máta ipotypáva,iporã ha hiʼa porãva.
Upéi oiko peteĩ tyapu guasu ha haʼe omboja hese tata,ha omopẽmba chugui hakãnguéra.
17 Jehová umi ehérsito yvagapegua ruvicha, upe neñotỹ vaʼekue,+ heʼi outaha ndéve heta mbaʼe vai, Israel rogaygua ha Judá rogaygua ojapo rupi heta mbaʼe vai, haʼekuéra chembopochy ojapóvo sakrifísio Baálpe”.+
18 Jehová omombeʼu chéve aikuaa hag̃ua.
Upe tiémpope Ñandejára ohechauka chéve umi mbaʼe ojapóva hikuái.
19 Che ningo ajogua kuri peteĩ ovecha imánsovape ojegueraháva ojejuka hag̃ua.
Ndaikuaái kuri la ojaposéva cherehe hikuái:+
“Ñahundi pe yvyramáta hiʼa reheve,ha jaipeʼaite oikovéva apytégui,anivéma hag̃ua avave imanduʼa héra rehe”.
20 Péro Jehová, umi ehérsito yvagapegua ruvicha, ihústo oporohusga jave.
Haʼe oipyguara umi pensamiénto ipypukuvéva* ha enterove korasõ.+
Epermitína chéve tahecha reñevengávo hesekuéra,pórke ndéve antrega che provléma resolusiona hag̃ua.
21 Upéicha rupi Jehová heʼi umi kuimbaʼe Anatotgua+ kóntrape, umi oikóvape ndejukase* ha heʼíva oikóvo: “Ani reprofetisa Jehová rérape,+ osino ore rojukáta”.
22 Upévare Jehová, umi ehérsito yvagapegua ruvicha heʼi: “Che akastigáta chupekuéra. Umi mitãrusu ojejukáta espádape,+ ha umi itaʼýra ha itajyrakuéra omanombáta ñembyahýigui.+
23 Ni peteĩ nahembymoʼãi hikuái, pórke aguerúta mbaʼe vai umi Anatotgua+ ári, pe áño akastigatahápe chupekuéra”.
Nóta
^ Amalisia koʼápe oñeʼẽ Jeremíaspe.
^ Hebréope: “tatakua oñemboykuhápe iérro”.
^ Térã: “Taupéicha”.
^ Hebréope: “voi apuʼã añemoñeʼẽ chupekuéra”.
^ Térã: “sakrifísio otimbóva”.
^ Térã: “dios oporomotĩvape”.
^ Péva hína Jeremías.
^ Upéva hína umi sakrifísio ojejapóva témplope.
^ Térã: “umi mbaʼe ipypukuvéva oñandúva”. Hebréope: “umi rriñón”.
^ Térã: “ohekávape ne álma”.
