Jeremías 49:1-39
49 Péicha heʼi Jehová umi ammonítape:+
“¿Israel piko ndaitaʼýrai mbaʼe?
¿Haʼe piko ndorekói mbaʼe eredéro?
¿Mbaʼéicha rupi piko Malcam+ ojagarra Gad território,+ha mbaʼére piko umi oadoráva chupe oiko hína Israel siudakuérape?”.
2 “Jehová heʼi: ‘Upévare og̃uahẽta hína umi día,ha ojeavisáta oñepyrũtamaha pe gérra Rabá+ kóntrape, haʼéva umi ammonita siuda.+
Ha oikóta chugui peteĩ ita atýra ndaiporihápe mbaʼeve,ha ojehapypaitéta umi puevloʼi oĩva ijerére’.
‘Ha Israel oipeʼáta ijyvy umi oipeʼa vaʼekuégui chugui ijyvy’,+ heʼi Jehová.
3 ‘¡Epuʼãke Hesbón, pórke Hai oñehundíma!
Pejaheʼo, peẽ puevloʼi peiméva Rabá jerére.
Pemonde ao ohechaukáva peñembyasyha.
Penerasẽ ha pekorre rei umi kora ojejapóva itágui ryepýpe,*
pórke Malcámpe ojegueraháta prisionéroramo,ha avei umi iprínsipe ha umi isaserdótepe.+
4 Nde, siuda naiñeʼẽrendúiva, ¿mbaʼére piko reñemombaʼeguasu umi ñu reguerekóvare,ha umi nde serrokuéra ypýpe umi ivahovehápe osyry haguére y?
¿Mbaʼére piko rejeroviaite umi tesóro reguerekóvare?,
ha ere: “¿Máva piko oúta cheataka?”’”.
5 “‘Cháke aguerúta nde ári peteĩ mbaʼe oporomongyhyjéva’, heʼi Jehová ogovernáva opa mbaʼe, umi ehérsito yvagapegua ruvicha.
‘Entéro umi oĩvagui pende jerére,peẽ la peñemosarambítava ápe ha pépe,ha avave nombyatymoʼãi umi odiparávape’”.
6 “‘Péro oiko rire upéva ambyatypa jeýta umi ammonita oho vaʼekuépe prisionéroramo’, heʼi Jehová”.
7 Edómpe péicha heʼi Jehová, umi ehérsito yvagapegua ruvicha:
“¿Ndaiporivéima piko arandu Temánpe?+
¿Oñehundi piko umi konsého porã umi iñarandúvagui?
¿Opyta piko ndovaléi mbaʼeverã pe iñarandukue?
8 ¡Pejere ha pedipara!
¡Peguejy ha pekañy umi lugár ivahovehápe, peẽ peikóva Dedánpe!+
Pórke aguerúta sarambi guasu Esaú ári,og̃uahẽ vove pe tiémpo akastiga hag̃ua chupe.
9 Oúramo ndéve umi ombyatýva parrál,¿nomohembymoʼãi guaʼu piko hikuái parrál oñembyaty hag̃ua upe rire?
Ha oúramo ndéve mondaha pyharekue,haʼekuéra ogueraháta umi mbaʼe oipotávante.+
10 Péro che ahejáta opío Esaúpe,ojehechapáta umi lugár okañyha,ha ndaikatumoʼãvéima okañy.
Itaʼyrakuéra, iñermanokuéra ha ivesinokuéra oñehundipaitéta.+
Ha haʼe odesapareséta.+
11 Eheja che kárgope umi ityreʼỹvaha che añangarekóta hesekuéra ani hag̃ua omano.
Ha nde viudakuéra ojeroviáta cherehe”.
12 Pórke péicha heʼi Jehová: “Umi ndojehusgái vaʼekue jepe hoʼúramo pe kópape oĩva, ¿reimoʼã piko nde repytataha kastigoʼỹetére? Nderepytamoʼãi kastigoʼỹre, pórke katuete reʼúta pe kópape oĩva”.+
13 “Pórke che rérare ahura”, heʼi Jehová, “umi hénte oikuaávo umi mbaʼe oikóva Bozrá rehe okyhyjetereíta,+ oñeʼẽ vaíta hese, oñehundi ha oñemaldesíta, ha entéro umi isiuda opytáta nandi vera pára siémpre”.+
14 Ahendu peteĩ mensáhe oúva Jehovágui,haʼe omondo peteĩ mensahéro umi nasionkuéra apytépe, ha heʼi:
“Peñembyaty ha peju Edom kóntrape.
Pejeprepara peñorairõ hag̃ua”.+
15 “Pórke ajapo ndehegui peteĩ mbaʼe ndovaléiva mbaʼeverã umi nasionkuéra apytépe.
Rejedespresiáta umi hénte apytépe.+
16 Nde remongyhyjepa umi héntepe ha upéva nembotavy,ha reñemombaʼeguasu ne korasõme.
Nde ningo reiko mombyryvehápe umi ita guasu ári,reiko yvate pe montáña ári.
Rejaitypóramo jepe ijyvatevehápe peteĩ ágilaicha,che romboguejýta upégui”, heʼi Jehová.
17 “Umi hénte oikuaávo umi mbaʼe oikóva Edom rehe okyhyjetereíta.+ Ha enterove ohasáva ijypýrupi omañáta hese ha tuichaiterei oñemondýita ha oñakãmbovaváta* ohechávo entéro mbaʼe vai oikóva hese.
18 Ha avave ndoikomoʼãvéima upépe ha ni peteĩ kuimbaʼe ndopytamoʼãi oiko upépe”,+ heʼi Jehová, “opyta haguéicha oñehundi rire Sodoma ha Gomorra ha umi puevloʼi oĩva ijerére”.+
19 “Peteĩ león osẽháicha umi ñanandy vai oĩvagui Jordánpe,+ oĩta peteĩ osẽva ha oataka umi pastoty isegúro porãva orekóva Edom, péro sapyʼaitépe che amuñáta chupe upégui. Ha amoĩta chupe pe ojeporavo vaʼekue poguýpe. Pórke, ¿oĩ mbaʼe piko ótro cheichagua, ha máva piko chedesafiáta? ¿Ikatu piko peteĩ pastór opyta oñemboʼy che renondépe?+
20 Upévare, pehendu mbaʼépa Jehová odesidi ojapo Edom rehe ha mbaʼépa haʼe opensa ojapo umi oikóvare Temánpe:+
Katuete mombyry oñembotyryrýta umi ovecha raʼýpe pe ovecha atýgui.
Haʼe ohejáta nandi vera umi ipastoty umi hénte káusare.+
21 Ág̃a haʼekuéra hoʼa vove hyapu hatãitereíta ha pe yvy kompletoite oryrýita.
¡Oĩ osapukáiva!
Ha upéva oñehendu pe Mar Rojo+ peve.
22 Peteĩ ágila ojepoiháicha ojagarra hag̃ua hembiʼurã,+péicha avei iñenemígo oipysóta ipepo Bozrá ári ojagarra hag̃ua chupe.+
Upe díape umi gerréro Edompegua okyhyjetereíta,ojoguáta umi kuña imembývape hína”.
23 Peteĩ mensáhe Damáscope+ g̃uarã:
“Hamat+ ha Arpádpe oñemotĩ,pórke ohendu hikuái peteĩ notísia vai.
Ikorasõnguéra ikangypaite okyhyjégui.
Umi hénte ningo ojogua pe márpe, ni michĩmi ndaipyʼaguapýi.
24 Damasco ikangypaite,ojere odipara hag̃ua, péro tuichaiterei oñemondýi.
Ojedesespera ha ohasa asy,ojogua umi kuña imembývape hína.
25 ¿Mbaʼeichakue piko ndojehejareíri pe siuda oñembotuichaitéva,pe puévlo ojevyʼaiteha?
26 Umi mitãrusu oikóva upépe hoʼáta omano umi plásape.
Ha enterove umi soldádo ojejukáta upe díape”, heʼi Jehová umi ehérsito yvagapegua ruvicha.
27 “Ahapýta Damasco murálla,ha okáita Ben-Hadad torrekuéra isegúro porãva”.+
28 Péicha heʼi Jehová Quedar+ ha Hazor goviernokuérare, pe rréi Nabucodonosor* de Babilonia ohundi vaʼekue:
“Pepuʼã ha tapeho Quedárpe,pehundi umi kuimbaʼe esteguápe.
29 Peguerahapa umi hóga karpakuéra ha umi ijovechakuéra,ha umi kárpa oipurúva hogakuérare ha kompletoite ikosakuéra iporãva.
Pegueraha chuguikuéra umi ikamellokuéra.
Ha haʼekuéra osapukáita: ‘¡Umi mbaʼe vai oporomongyhyjévamante oĩ opárupi!’”.
30 “¡Pediparáke, mombyry tapeho!
Peẽ Hazorgua, peguejy ha tapeho pekañy umi lugár ivahovehápe”, heʼi Jehová.
“Pórke pe rréi Nabucodonosor* de Babilonia okalkula peteĩ mbaʼe vai pene kóntrape,ha opensa ojapo penderehe ivaíva”.
31 “Pepuʼã peataka pe nasión oikóvape pyʼaguapýpe,ha ndokyhyjéiva mbaʼevégui”, heʼi Jehová.
“Haʼekuéra nahokẽi ha ndorekói okẽ tránka, ha avave ndoikói ijerére.
32 Umi ikamellokuéra oñemondáta,ha umi hetaite animál orekóva hikuái ojeguerahapáta”.
Jehová heʼi: “Amosarambíta opárupi*
koʼã omoperõ vaʼekuépe ikopéte.*+
Ha aguerúta hiʼarikuéra sarambi opáguio ládo.
33 Hazórgui oikóta peteĩ lugár oiko hag̃ua umi jagua salváhe.*
Opytáta nandi pára siémpre,ha avave ndoikomoʼãvéi upépe,ni peteĩ kuimbaʼe ndopytamoʼãi oiko upépe”.
34 Péicha heʼi Jehová proféta Jeremíaspe Elam+ rehe, oñepyrũrõ guare ogoverna rréi Sedequías+ de Judá:
35 “Péicha heʼi Jehová, umi ehérsito yvagapegua ruvicha: ‘Elam,+ amopẽta ndehegui nde árko ha flécha, upéva hína pe ehérsito imbaretevéva reguerekóva.
36 Amboúta yvytu Elam ári umi 4 ládo ouháguio pe yvytu yvágagui, ha amosarambíta chupekuéra opárupi koʼã yvytúre. Entéro nasiónpe ohóta umi isarambíva Elámgui’”.
37 “Amongyhyjetereíta umi elamítape iñenemigokuéragui ha umi oikóvagui ojukase chupekuéra.* Aguerúta sarambi hiʼarikuéra, ha che pochykue amboúta hiʼarikuéra”, heʼi Jehová. “Amondóta pe espáda hapykuerikuéra ahundipa peve chupekuéra”.
38 “Ha amoĩta che tróno Elámpe,+ ha upe guive ahundíta umi rréi ha prinsipekuérape”, heʼi Jehová.
39 “Péro umi ára pahápe ambyaty jeýta umi ojegueraha vaʼekuépe prisionéroramo Elámgui”, heʼi Jehová.
Nóta
^ Térã: “ovechakuéra korápe”.
^ Hebréope: “oturuñeʼẽta”.
^ Hebréope: “Nabucodorosor”. Péicha avei ojeskrivi héra.
^ Hebréope: “Nabucodorosor”. Péicha avei ojeskrivi héra.
^ Térã: “entéro yvytu oipejuha gotyo”.
^ Térã: “umi omoperõ vaʼekuépe isiéne”.
^ Térã: “chakál”.
^ Térã: “ohekávape hiʼalmakuéra”.
