Malaquías 4:1-6
4 “¡Pemañami! Ou hína pe día hendýva peteĩ tatakua guasúicha,+ upépe enterove umi ijorgullósova ha umi ojapóva mbaʼe vai ojoguáta kapiʼi pirukuépe. Upe día oúva katuete ohapypaitéta chupekuéra”, heʼi Jehová, umi ehérsito yvagapegua ruvicha, “ha ndopytamoʼãi chuguikuéra hakãngue ni hapokue.
2 Péro peẽ pemombaʼeguasúva* che réra, pende ári ojajáita pe kuarahy oguerúva hustísia, ha penemongueráta ohesapévo penderehe pe imimbikue, ha vyʼápe pepopóta vaka raʼy oñemongyra vaʼekuéicha”.
3 “Ha peẽ pepyrũmbaitéta umi iñañávare, pórke haʼekuéra haʼetéta yvykuʼi pende py guýpe pe ajapoha díape koʼã mbaʼe”, heʼi Jehová, umi ehérsito yvagapegua ruvicha.
4 “Penemanduʼákena che siérvo Moisés léi rehe, umi mandamiénto ha umi mbaʼe tekotevẽva oñekumpli ameʼẽ vaʼekue chupe Horébpe, ikatu hag̃uáicha Israel kompletoite okumpli umíva.+
5 ¡Pemañami! Amondo peẽme proféta Elíaspe+ ou mboyve Jehová ára, pe día tuichaite ha oporomongyhyjéva.+
6 Haʼe ojapóta umi tuakuéra korasõgui umi mitã korasõicha,+ ha umi mitã korasõgui ojapóta umi tuakuéra korasõicha,* ani hag̃ua aju ambyai ko yvy ha ahundiete”.
Nóta
^ Hebréope: “pekyhyjéva”.
^ Térã: “Haʼe ombojevýta umi tuakuéra korasõ itaʼýra gotyo, ha umi taʼyrakuéra korasõ itúa gotyo”.
