Deuteronomio 33:1-29
33 Kóva hína pe vendisión Moisés heʼi vaʼekue umi israelita ohupytytaha. Haʼe hína Ñandejára siérvo, ha heʼi upe vendisión omano mboyve.+
2 Haʼe heʼi:
“Jehová ou Sinaígui,+ha omimbi hiʼarikuéra Seír guive.
Ñandejára ojajái ha omimbipa Parán montañakuéra guive,+ha hendive oĩ hetaiterei ánhel,*+
ha iderécha gotyo umi isoldadokuéra.+
3 Ñandejára ohayhu ipuévlope,+ha ipuévlo sagrádo oĩ ipópe.+
Haʼekuéra oguapy henondépe,+ha ohendu iñeʼẽ.+
4 (Moisés omeʼẽ oréve peteĩ mandamiénto, peteĩ léi,+ha upéva opyta Jacob puévlope* g̃uarã).+
5 Ñandejáragui oiko rréi Jesurúnpe,*+
oñembyatypárõ guare umi omoakãva pe puévlo,+enterove umi trívu de Israel ndive.+
6 Añemboʼe Rubén osegi hag̃ua oikove ha anítei omano,+ha ani hag̃ua imbovy umi kuimbaʼe oĩva itrívupe”.+
7 Ha Judápe Moisés ovendesi heʼívo kóicha:+
“Jehová, ehendumína Judá ñeʼẽ,+ha egueru chupe ipuévlope.
Ipodér rupive haʼe odefende upe imbaʼéva.
Eipytyvõmína chupe oñorairõ hag̃ua iñenemigokuérandi”.+
8 Leví rehe heʼi:+
“Ne Urim ha ne Tumim*+ hína umi iñeʼẽrendúva mbaʼe.+
Masápe+ nde remoĩ chupe a pruéva rehecha hag̃ua iñeʼẽrendútapa ndéve.
Ha nde reñorairõ hendive reĩrõ guare Meribápe pe y kóstape.+
9 Umi kuimbaʼe levita heʼi kuri itúa ha isýpe: ‘Che ndapoiporiahuverekomoʼãi’.
Iñermanokuérare jepe noponderái,+ha itaʼyrakuérare jepe nopenái.
Pórke haʼekuéra okumpli ne ñeʼẽ,ha okumpli pe kompromíso rejapo vaʼekue hendivekuéra.+
10 Haʼekuéra tomboʼe Jacóbpe umi ne mandamientokuéra,+ha Israélpe umi nde léi.+
Haʼekuéra toofrese ndéve insiénso hyakuã asýva,+ha tomeʼẽ ndéve peteĩ ofrénda enteroite nde altárpe.+
11 Jehová, evendesíkena ha emombarete chupe,ha eguerohory umi hembiapokue.
Emopẽ umi iñenemigokuéra retyma,anivéma hag̃ua opuʼã umi ndaijaʼéiva hese”.
12 Benjamín rehe heʼi:+
“Añemboʼe ndéve Jehová reprotehe hag̃ua upe rehayhúvape,ha reñangareko hag̃ua hese* tódo el día.
Haʼe oikóta nde atiʼy paʼũme”.*
13 José rehe heʼi:+
“Añemboʼe ndéve Jehová revendesi hag̃ua ijyvy,+remeʼẽ hag̃ua chupe umi mbaʼe iporãvéva yvágagui,ha rembou hag̃ua chupe ysapy ha oguereko hag̃ua umi yvu neporã porãva.+
14 Avei umi mbaʼe iporãvéva kuarahy omongakuaáva,ha umi mbaʼe iporãvéva ojekosecháva káda mes.+
15 Avei umi mbaʼe iporãvéva oĩva umi montáña ymaite guarépe,+ha umi mbaʼe iporãvéva oĩva umi sérro opytávape opa ára g̃uarã.
16 Avei umi mbaʼe iporãvéva oĩva ko yvy ape ári ha opa mbaʼe oprodusíva.+
Ha toguerohory chupe Upe ojechauka vaʼekue pe yvyramataʼi hatĩmbávape.+
Umi vendisión toguejy José akã ári,toguejy iñakã mbytete ári, chupe ningo ojeporavo vaʼekue iñermanokuéra apytégui.+
17 Tóro raʼy ypykuéicha iporã ha ojajaipa.
Umi hatĩ ojogua umi tóro salváhe ratĩme,Ha umi hatĩme omyañáta umi héntepe,omyañáta kompletoite umi héntepe mombyryvehápe ko yvy ape ári.
Péicha imbaretéta opuʼã vove umi decenas de miles oĩva Efraín+ ehérsitope,ha umi miles oĩva Manasés ehérsitope”.
18 Zabulón rehe heʼi:+
“Evyʼákena Zabulón resẽ jave,ha nde Isacar umi nde rogakuérape.*+
19 Haʼekuéra oinvitáta umi héntepe ojupi hag̃ua pe montáñape.
Upépe ojapóta hikuái umi sakrifísio de hustísia.
Haʼekuéra hoʼúta umi mbaʼe porãita oĩva pe márpe,ha oguenohẽta umi mbaʼe porãite okañýva yvykuʼípe”.
20 Gad rehe heʼi:+
“Toñevendesi upe ombotuichavéva Gad território.+
Upépe haʼe oĩ peteĩ leóncha,oĩva preparádo otrosa hag̃ua iñenemígo jyva ha iñakã.
21 Haʼe oiporavóta imbaʼerã pe yvy iporãvéva,+pórke upe párte oiporavo imbaʼerã upe ojapóva pe léi.+
Umi omoakãva pe puévlo oñembyatýta.
Haʼe ojapóta hustísia Jehová rérape,ha okumplíta ileikuéra heʼíva Israélpe g̃uarã”.
22 Dan rehe heʼi:+
“Dan hína peteĩ león raʼyrusu.+
Basán guive haʼe opóta”.+
23 Neftalí rehe heʼi:+
“Neftalí ovyʼa oguerohory haguére chupe Jehová,ha henyhẽ ivendisióngui.
Haʼe ojagarráta pe yvy oĩva oéste gotyo ha sur gotyo”.
24 Aser rehe heʼi:+
“Ñandejára ovendesi chupe ifamília reta hag̃ua.
Tombojerovia chupe iñermanokuéra,ha ipy tomoñapymi aséitepe.
25 Iérro ha kóvregui rejapóta ne rokẽ tránka,+reikóta pyʼaguapýpe ha nderekyhyjemoʼãi reikove aja entéro.
26 Jesurún+ Járaicha ndaipóri ótro,+pyaʼe ohóva pe yvágare nepytyvõ hag̃ua,ha ohóva umi arai ári tuicha podér reheve.+
27 Ñandejára hína pe lugár oñekañyha ymaite guive,+ijyva opa ára g̃uarãva ndejoko hína.+
Ha omosẽmbáta ne enemigokuérape ne renonderãgui,+ha heʼíta: ‘¡Ehundipáke chupekuéra!’.+
28 Israel oikóta pyʼaguapýpe ha ndokyhyjemoʼãi.
Jacob familiare* oikóta haʼeño ha trankílo porãpeteĩ yvy oĩháme hiʼupy ha víno pyahu,+ha yvága guive oguejýta ysapy pe yvýpe.+
29 ¡Evyʼákena Israel!+
Ndaipóri ningo ótro ndeichagua,+peteĩ puévlo Jehová osalváva.+
Haʼe hína nde eskúdo nemoʼãva+
ha nde espáda tuichaitéva.
Ne enemigokuéra oryrýita okyhyje ne renondépe+
ha nde repyrũta ilomorekuéra”.*
Nóta
^ Térã: “decenas de miles de sántos”.
^ Hebréope: “kongregasiónpe”.
^ Heʼiséva: “Upe hekojojáva”. Peteĩ título oñemoĩva Israélpe oñemombaʼe hag̃ua chupe.
^ Ikatu avei: “reñangareko hag̃ua Benjamín rehe”.
^ Ikatu avei: “ijatiʼy paʼũme”.
^ Hebréope: “umi nde róga kárpape”.
^ Hebréope: “Jacob ykua”.
^ Ikatu avei: “umi lugár yvatére”.
