Ezequiel 2:1-10
2 Upéi haʼe heʼi chéve: “Yvypóra raʼy,* eñemboʼy añeʼẽ hag̃ua nendive”.+
2 Ha oñeʼẽrõ guare chéve, Ñandejára espíritu oike che pype, ha chemoñemboʼy+ ikatu hag̃uáicha ahendu Upe oñeʼẽvape chéve.
3 Upéi haʼe heʼi chéve: “Yvypóra raʼy, che romondo pe puévlo de Israel rendápe,+ umi tetãnguéra opuʼã vaʼekuépe che kóntrape.+ Haʼekuéra ha umi ituakuéra ypykue nokumplíri umi che léi koestedía peve.+
4 Romondo hína umi hénte hovaʼatã ha ikaprichósova rendápe,+ ha ere vaʼerã chupekuéra: ‘Péicha heʼi Ñandejára Jehová ogovernáva opa mbaʼe’.
5 Haʼekuéra añetehápe oikuaáta peteĩ proféta oĩ hague ijapytepekuéra,+ ohendu térã nohenduséiramo jepe la ojeʼéva chupekuéra, pórke oñemoĩ hína hikuái che kóntrape.+
6 Péro nde yvypóra raʼy, ani rekyhyje chuguikuéra,+ ni reñemondýi umi mbaʼe heʼívagui hikuái, nemongoráramo jepe ñuatĩ,*+ ha reikóramo jepe alakrán apytépe. Ani rekyhyje umi mbaʼe heʼívagui hikuái,+ ha ani rekyhyje chuguikuéra,+ pórke haʼekuéra oñemoĩ hína che kóntrape.
7 Nerendu térã nanerendúiramo jepe, ere vaʼerã chupekuéra umi mbaʼe haʼéva ndéve, pórke haʼekuéra peteĩ puévlo oñemoĩva che kóntrape.+
8 Péro nde yvypóra raʼy, ehendúke la haʼéva hína ndéve. Ani reñemoĩ che kóntrape ha naneñeʼẽrendúi ko puévloicha. Eavri nde juru ha heʼu ko ameʼẽva ndéve”.+
9 Ha amañárõ guare, ahecha peteĩ oipysóva hína ipo che aimeha gotyo,+ ha ahecha orekoha ipópe peteĩ kuatiañeʼẽ.*+
10 Ha oipysórõ guare che renondépe pe kuatiañeʼẽ, ojeskrivi hese henondépe ha hapykuépe+ umi músika jaheʼo ha ñembyasy.+
Nóta
^ Ko fráse “Yvypóra raʼy” ojepuru 93 vése Ezequiélpe, ha kóva hína pe primera ves ojepurúva.
^ Ikatu avei: “jepe ko puévlo ikaprichóso ha ojogua umi mbaʼe ndekutúvape”.
