Job 21:1-34
21 Upémarõ Job heʼi:
2 “Pehendu porãkena la haʼétava,pejapóramo upéva jepe, tuicha chekonsoláta.
3 Penepasiensiamína cherehe ha peheja tañeʼẽmi,upe rire ikatu peñembohory cherehe pejaposéramo.+
4 ¿Che piko ajeplagea hína peteĩ persónape?
La upéicharire, nachepasiensiamoʼãi kuri.
5 ¡Pemañami cherehe! Pepytáta peñesorprende,ha ni peteĩ palávra nosẽmoʼãi pende jurúgui.
6 Apensávo umi mbaʼe oiko vaʼekuére cherehe, añeñandu vaieterei,ha asosopa voi.
7 ¿Mbaʼére piko umi iñañáva nomanói voi,+síno oikove puku ha irríko?+
8 Haʼekuéra siémpre orekopa ijerére ifamiliakuéra,ha ohecha mbaʼéichapa okakuaa inietokuéra.
9 Hóga isegúro porã, ha haʼekuéra ndokyhyjéi mbaʼevégui,+ha Ñandejára ndokastigái voi chupekuéra.
10 Umi hymba tóro oprodusi porã,ha umi vaka ni peteĩ imemby ndoperdéi.
11 Umi iñañáva familiakuéra mimi ohuga okápe umi animál raʼýicha,ha itajýra ha itaʼyrakuéra opopo joa upérupi.
12 Haʼekuéra opurahéi ha ovyʼa joa,ombopu hikuái árpa, fláuta ha panderéta.*+
13 Haʼekuéra ovyʼa oikove aja pukukue,ha oho pe Sepultúrape* osufriʼỹre.
14 Péro haʼekuéra oiko heʼi Ñandejárape: ‘Ani repena orerehe,ndoroikuaaséi ndehegui mbaʼeve.+
15 ¿Mbaʼére piko ore roservíta Ñandejára Todopoderósope, haʼe piko máva mbaʼe?+
¿Mbaʼépe piko ideprovéchota oréve la roikuaa chupe?’.+
16 Péro che aikuaa haʼekuéra ndaikatuiha ojapo mbaʼeve ou porãtava chupekuéra.+
Che ni mbaʼevéicharõ napensái haʼekuéra opensaháicha.+
17 ¿Mboy vése guaʼu piko umi iñañávagui ogue ilámpara?+
¿Mboy vése piko umi provléma ou hiʼarikuéra?
¿Mboy vése piko Ñandejára ipochy umi iñañávare ha okastiga chupekuéra?
18 Haʼekuéra ningo ndojoguái umi ñana pirukue ha kapiʼípe,yvytu atã ojapetéva ápe ha pépe.
19 Ñandejára ombyatýta umi kastígo peteĩ kuimbaʼe omereséva, ha omeʼẽta umíva itaʼyrakuérape.
Ñandejára topaga chupe haʼe avei oñandu hag̃ua pe kastígo.+
20 Pe iñañáva ohecha vaʼerã mbaʼéichapa oñehundi ohóvo,ha toñandu* Ñandejára Todopoderóso ipochyha hese.+
21 ¿Haʼe piko ojepyʼapyvéta ifamília mimíreoúramo omano voieterei?+
22 Ñandejára voi ningo pe ohusgáva umi mburuvichakuérape,+¿oĩta piko upéicharõ ikatúva omoarandu chupe?+
23 Pe iñañáva oiko trankílo ha mbaʼeve ndoipyʼapýi chupe,+ha omanoite peve, haʼe imbarete porã.+
24 Upe tiémpo peve umi ikuárto ikyra guasu,ha ikangue katu imbarete porã.
25 Péro ótro kuimbaʼe heta osufri omano hag̃ua,ha núnka ndojehúiva chupe mbaʼeve iporãmíva.
26 Péro mokõivévante ohóta yvyguýpe,+ha upépe hasopáta hikuái.+
27 Chéngo aikuaa porãiterei mbaʼépa peẽ pepensa,ha apilla avei mbaʼépa la pekalkuláva che kóntrape.+
28 Peẽ peiko peje: ‘¿Moõ piko oĩ umi persóna iñimportánteva róga?
¿Ha moõ guaʼu piko oĩ umi iñañáva oiko hague?’.*+
29 ¿Peẽ piko napeporandúiva umi hénte oviahávape ha ohechámava heta mbaʼe?
¿Napehendúi piko la haʼekuéra omombeʼúva,
30 de ke oĩ jave provléma umi iñañávape ndojehúi mbaʼeve ivaíva,ha ojesalva chupekuéra oiko jave heta mbaʼe vai?
31 ¿Máva piko okondenáta chupe umi mbaʼe ojapóvare?
¿Máva piko opagáta chupe la ojapo vaʼekuére?
32 Haʼe ojegueraha vove pe sementériope,oñemoĩta peteĩ persóna oñatende hag̃ua pe oñeñotỹ haguépe.
33 Pe yvy oĩva pe ñúme* heʼẽ asýta chupe,+ha entéro yvypóra oho hapykuéri,hetaiterei persóna ohóma haguéicha haʼe mboyve.+
34 Upéicharõ, ¿mbaʼére piko la peju chekonsola guaʼu?+
Peẽ ningo pendejapueterei ha naisentídoi la pejéva”.
Nóta
^ Peteĩ instruménto musikál ojoguáva tamborʼípe.
^ Hebréope: “tomboyʼu”.
^ Hebréope: “róga kárpa”.
^ Térã: “yrapépe”.
