Proverbios 19:1-29
19 Ikuentave nemboriahu ha siémpre rejapo iporãva,+ndetavy rangue ha reiko ndejapu.+
2 Naiporãi ningo peteĩ persóna* ndoikuaáiramo mbaʼeve,+pe ojapo rei reínteva oimeraẽ mbaʼe, opeka hína.
3 Oĩ hénte itavy rupi ohejáva pe tape porã,ha upéi ojere okulpa Jehovápe ha ipochy hese.
4 Pe irríkova heta iñamígo,pe imboriahúvape katu iñamígo jepe oheja rei.+
5 Pe testígo fálso ndopytamoʼãi kastigoʼỹre,+ha pe tódo el tiémpo ijapúvape, katuete ojekastigáta.+
6 Entéronte oñehaʼã opyta porã umi hénte iñimportánteva* renondépe,ha entéronte oñemoamigose pe omeʼẽvare heta rregálo.
7 Pe imboriahúvape ni iñermanokuéra ndohayhúi,+koʼytevéntema upéicharõ iñamigokuéra oñemomombyry avei chugui.+
Haʼe ningo ojerure asy chupekuéra ajúda péro ndaipóri openáva hese.
8 Pe oñehaʼãva iñentendído ohechauka oipotaha iporãva ijupe* g̃uarã,+pe oñehaʼãva odiferensia mbaʼépa iporã ha mbaʼépa ivai osẽ porãta katuete.+
9 Pe testígo fálso ndopytamoʼãi kastigoʼỹre,ha pe tódo el tiémpo ijapúva, katuete oñehundíta.+
10 Peteĩ itavýva ndaikatúi oiko porã peteĩ rríkoicha,koʼytevéntema ndaikatúi peteĩ esklávo oreko ipoguýpe umi governántepe.+
11 Pe persóna iñentendídova ndaipochyreíri,+haʼe ombohasánte umi mbaʼe vai ojejapóva hese, ha upéva omoporã chupe.+
12 Pe rréi ipochy jave haʼete voi peteĩ león okororõva,+pe rréi ndeguerohorýramo katu, haʼete voi pe ysapy hoʼáva ñúre.
13 Peteĩ taʼýra ojapóva ivaíva omotĩ itúape.+
Pe tembireko ojeplageáva tódo el tiémpo, haʼete peteĩ óga otykypáva.+
14 Tuakuéra ikatu oheja ifamíliape óga ha pláta,péro pe tembireko iñakãguapýva haʼe peteĩ rregálo oúva Jehovágui.+
15 Pe iñateʼỹva oke tódo el tiémpo,pe persóna* nombaʼaposéiva iñembyahýita.+
16 Pe okumplíva Ñandejára léi oikovéta,+péro pe ndohoséiva tape porãre oñehundíta.+
17 Pe imbaʼeporãva imboriahúvandi Jehovápe voi oipuruka hína,+ha haʼe katuete opagáta chupe.+
18 Ekorrehi ne famíliape oĩ aja gueteri esperánsa,+ani nde repyta rresponsávle haʼe omano haguére.+
19 Pe kuimbaʼe ijarhélvape katuete ojekastigáta,nde reñehaʼãramo resalva chupe, resegíta rejapo upéva kontinuadoite.+
20 Ehendúkena umi konsého ha easepta rejekorrehi jave,+upéichamante ohasávo pe tiémpo nearandúta.+
21 Umi hénte heta mbaʼe oplanea ikorasõme,péro Jehová volunta la katuete oñekumplítava.+
22 Peteĩ persóna ohechaukáva oporohayhuetereiha,*+ upéva la omoporãva chupe.
Ikuentave nemboriahu, reiko rangue rembotavy nde rapichápe.
23 Rerrespetáramo Jehovápe, upéva nepytyvõta reikove hag̃ua,+ha ikatúta reke porã ha mbaʼeve ivaíva ndojehumoʼãi ndéve.+
24 Pe iñateʼỹva omoinge ipo iplátope ojagarra hag̃ua la tembiʼu,péro iñateʼỹgui noñanimái ni ohupi jey ipo okaru hag̃ua.+
25 Einupã pe oñemombaʼeguasúvape,*+ péicha pe ndorekóiva experiénsia oaprendéta mbaʼéichapa oiko vaʼerã.+
Ekorrehi pe iñentendídovape ikatu hag̃uáicha iñaranduve.+
26 Pe omaltratáva itúape ha omosẽva isýpe,omotĩ ihentekuérape ha oñeñeʼẽ vai hesekuéra.+
27 Che raʼy, nderesegivéiramo umi konsého oñemeʼẽva ndéve,ndaikatumoʼãvéima reaprende umi enseñánsa porã ha rehóta tape vaíre.
28 Peteĩ testígo ndovaléiva mbaʼeverã nomombaʼeiete voi pe hustísia,+pe iñañávape ogusta voi la mbaʼe vai, haʼe odisfruta umíva peteĩ tembiʼu hetereívaicha.+
29 Umi oñemombaʼeguasúvape* katuete ojehusgáta ha ojekastigáta,+umi oñembotavývape ofalta ojekastiga garrótepe.+
Nóta
^ Térã: “álma”.
^ Térã: “ipojeráva”.
^ Térã: “hiʼálmape”.
^ Térã: “álma”.
^ Térã: “oñembohorývape”.
^ Térã: “oñembohorývape”.
