Proverbios 22:1-29
22 Iporãve umi hénte nderrespeta,* rereko rangue heta óro ha pláta.+
Ikuentave umi hénte imanduʼa porã nderehe, ndepláta heta rangue.
2 Pe persóna ipláta hetáva ha pe imboriahúva ojojogua* ko mbaʼépe:
Jehová ojapo mokõivévape.+
3 Pe iñentendídova ohechakuaa pe pelígro ha ojere chugui,péro umi ivýrova katu derechoite oho upépe, ha upéi osufri odesidi vai haguére.
4 Rerrespetáramo Jehovápe ha neumílderamo,erekóta rrikésa, oĩta nemombaʼéva ha reikovéta.+
5 Umi ohóva tape vaíre, ñuatĩ ha trámpamante otopa haperãme,péro umi ovaloráva hekove,* oñemomombyry pe tape vaígui.+
6 Ehekomboʼe pe mitãme oho hag̃ua tape porãre,+ha ijeda rire jepe nosẽmoʼãi upe tapégui.+
7 Pe irríkova omanda pe imboriahúvare.
Pe oipurúva pláta hapichágui opytáma ipoguýpe.+
8 Pe governánte ndojapóiva hustísia okosecha jeýta ivaíva,+upévare pe autorida* oipurúva omaltrata hag̃ua ótrope ojepeʼáta chugui.+
9 Pe imbaʼeporãva okomparti hembiʼu umi imboriahúva ndive,upévare orresivíta heta vendisión.+
10 Emosẽ upe kuimbaʼe oñembohorývape hapicháre,péicha ndaiporimoʼãvéima oiko vaíva,opáta la pléito ha ndaiporimoʼãvéima oapoʼíva hapichápe.
11 Pe persóna ikorasõ potĩva* ha iñeʼẽ jukýva,oikóta pe rréi amígoramo.+
12 Jehová oñangareko umi iñarandúvare,*
péro ndohejái umi itraisionérovape osẽ ijidéape.+
13 Pe iñateʼỹva nombaʼaposéi ha heʼi: “¡Oĩ peteĩ león okápe!
¡Asẽramo pe kállepe katuete chejukáta!”.+
14 Umi kuña irrevéldeva* juru, haʼete peteĩ yvykua pypuku,+katuete hoʼa pype umi persóna Jehová okondenáva hembiapo vai haguére.
15 Umi mitã vyroreínte voi ojapose,+péro ojekorrehíramo chupekuéra,* ojeíta tape vaígui.+
16 Pe ombotavýva imboriahúvape iplatave hag̃ua,+ha pe omeʼẽva rregálo pe ipláta hetávape,amo ipahápe opytáta mbaʼeveʼỹre.
17 Ehendu porãkena umi konsého omeʼẽva ndéve umi iñarandúva,+ikatu hag̃uáicha ne korasõ ontende umi mbaʼe che romboʼeséva.+
18 Iporãitereíta siémpre reguerekóramo ne korasõme koʼã enseñánsa,+péicha ikatúta reñeʼẽ meme koʼã mbaʼére.+
19 Che haʼe ndéve koestedía koʼã mbaʼeikatu hag̃uáicha rejerovia Jehováre.
20 Che ningo askrivíma ndéve heta konséhoreikuaa hag̃ua hetave mbaʼe.
21 Che romboʼe umi enseñánsa porã, umíva ningo siertogua,péicha ikatúta ere pe siertogua pe nembou vaʼekuépe.
22 Ani remonda pe imboriahúvape haʼe imboriahumi haguérente,+ani reapoʼi pe imboriahúvape umi hués* renondépe.+
23 Pórke Jehová odefendéta chupe,+ha ohundíta* umi ombotavývape pe imboriahúvape.
24 Eñemomombyry umi ijarhélvagui,ani rejeheʼa umi ipochy reívare.
25 Péicha nderejapomoʼãi haʼekuéra ojapóva,ha ndereikomoʼãi rejeperhudika ndejupe* voi.+
26 Ani rejogua umi oipopyhývape hapichápe ojapo hag̃ua tráto,umi ogarantíva ótro odevévare.+
27 Cháke ndereguerekóiramo repaga hag̃ua,nde rupa jepe ojepeʼáta ndehegui.
28 Ani reguerova umi márka oservíva de límite rembotuichave hag̃ua nde yvy,umíva ningo omoĩ kuri nde tuakuéra ypykue.+
29 Pe kuimbaʼe ivaléva itraváhopenombaʼapomoʼãi oimeraẽ hénte renondépe,haʼe ombaʼapóta umi rréipe g̃uarã.+
Nóta
^ Hebréope: “ndeguerohory”.
^ Hebréope: “ojotopa”.
^ Térã: “hiʼálma”.
^ Hebréope: “garróte”.
^ Hebréope: “Pe ohayhúva peteĩ korasõ potĩ”.
^ Hebréope: “pe konosimiéntore”.
^ Hebréope: “rekorrehíramo chupekuéra verrénkepe”.
^ Hebréope: “pe okẽ”.
^ Térã: “omondáta hiʼálma”.
^ Térã: “reperhudika ne álmape”.
