Proverbios 23:1-35
23 Reguapy vove rekaru hag̃ua peteĩ rréi ndive,reñatende porã vaʼerã mbaʼépa oĩ ne renondépe.
2 Oiméramo ndevareʼaiterei,*
rejejokokuaa vaʼerã.*
3 Ani rehechauka reʼusetereiha umi hembiʼu porãite,pórke ndereikuaái mbaʼérepa añetehápe neinvita hína.
4 Ani rejopyeterei rekonsegi hag̃ua pláta ha repyta nekaneʼõiterei.+
Upéva rangue, eñetrankilisa ha ehechauka neentendidoha.
5 Umi rrikésa ningo sapyʼaiterãnte, rejere remaña hese ha ja nderetopavéima,+haʼete voi peteĩ ágila oveve ha ohóva yvágape.+
6 Ani reʼu pe ijopýva rembiʼu,ani rehechauka reʼusetereiha umi hembiʼu porãite.
7 Pe ijopýva ningo haʼete voi okalkuláva* mboy repýpa reʼu hína.
Heʼi guaʼu ndéve: “Ekaru ha emboyʼu”, péro añetehápe heʼi reínte ndéve upéva.*
8 Upéi rehechakuaávo hovamokõiha, reñemeʼẽta enkuénta reiete neamávle hague hendive,ha nembopyʼavaíta pe reʼu vaʼekue ha reitypa jeýta.
9 Ani reñemoñeʼẽ peteĩ itavývape,+pórke haʼe nomombaʼemoʼãi umi konsého arandu nde remeʼẽva chupe.+
10 Ani reguerova umi márka oservíva de límite rembotuichave hag̃ua nde yvy, umíva ningo omoĩ vaʼekue nde tuakuéra ypykue.+
Ndovaléi reike umi ityreʼỹva yvýpe.
11 Cháke pe odefendéva* chupekuéra ipoderóso hína,haʼe osẽta ifavorpekuéra ha oñemoĩta nderehe.+
12 Oĩramo ndekorrehíva, eñehaʼã ejapo ojeʼéva ndéve.
Ehendúkena umi konsého nepytyvõtava nearandu hag̃ua.
13 Ekorrehíkena pe mitãme,+nomanomoʼãingo reinupã haguére chupe verrénkepe.
14 Rekorrehi vaʼerã pe mitãme verrénkepeesalva hag̃ua chupe pe Sepultúragui.*
15 Che raʼy, nde nearandúramo,che korasõ mbytete guive avyʼáta.+
16 Nde siémpre reñeʼẽramo umi mbaʼe iporãvare,che pyʼaite* guive avyʼáta.
17 Aníkena reenvidia umi ojapóvape mbaʼe vai.+
Upéva rangue, siémpre rerrespeta vaʼerã Jehovápe.+
18 Péichamante rerresivíta heta mbaʼe porã ne renonderãme,+ha ne esperánsa nahavẽmoʼãi.
19 Ehendúkena che raʼy ha nearandúta,egia ne korasõ tape porãre.
20 Aníkena rejogua umi hoʼu rasapávape víno,+ni umi hoʼu rasapávape soʼo.+
21 Pórke pe ikaʼúva ha okarúva tódo el tiémpo, pyaʼeterei imboriahúta.+
Umichagua persóna okesénte voi ha ni ijao repyrã ndorekomoʼãi.
22 Che raʼy, ehendúkena nde túape, chupe reagradese vaʼerã nde rekovére,aníkena redespresia nde sýpe ijedáma haguérente.+
23 Ejogua pe añetegua ha ani núnka evende upéva,+ejogua avei arandu, disiplína ha entendimiénto.+
24 Pe persóna ihústova, katuete ombovyʼa itúape,ha pe iñarandúva avei ombopyʼarory itúape.
25 Rehóramo tape porãre, nde tuakuéra ovyʼaitereíta,katuete nde sy ijaguaráta ndereheve.
26 Che raʼy, eñatende porãkena cherehe,ha evyʼákena resegívo reguata che rapére.+
27 Pe kuña rekovai* ojogua peteĩ yvykua pypukúpe,umichagua kuña haʼete peteĩ póso ipoʼíva.+
28 Pe kuña rekovai opeska nderehe peteĩ mondaháicha,+pe kuña káusare koʼág̃a hetave kuimbaʼe oporotraisiona.
29 ¿Mávapa upe oñelamentáva ha ojepyʼapyetereíva?
¿Mávapa oiko ojekeha ha oñorairõsénte voi?
¿Mávapa upe hesa pytãmbáva ha siémpre ojegolpeapa reíva?
30 Péicha oiko pe hoʼuetereíva víno,+upe siémpre oikóva hoʼu pe vevída ifuertevéva.
31 Ani remaña pe víno pytã asývare,péva ningo omimbipa pe kópape, ha oguejy suáve asy,
32 péro upe rire, peteĩ mbóicha ndesuʼu rasyha oheja nderehe iponsóña.
33 Upéi reñepyrũta rehecha heta mbaʼe iñextráñova,ha ne korasõ nemomýita reñeʼẽ hag̃ua ivaívare.+
34 Haʼetéta ku reñenóva hína pe mar mbytépe,térã rejepysóva pe párte ijyvatevévape oĩva pe várkope, pe yvyra puku puntaitépe.
35 Upéi eréta: “Algúno chembyepoti raʼe, péro che nañandúi.
Heta aipoʼo, péro ni vy nachemanduʼái.
¿Arakaʼe la ikatúta apuʼã?+
Haʼuse* jey hína ótro trágo”.
Nóta
^ Térã: “ne álma oipota hetaiterei mbaʼe”.
^ Hebréope: “emoĩ peteĩ kyse nde ajúrare”.
^ Térã: “okalkuláva hiʼálmape”.
^ Hebréope: “ikorasõ noĩri nendive”.
^ Hebréope: “orreskatáva”.
^ Hebréope: “che rriñón”.
^ Térã: “Aháta aheka”.
