Salmos 17:1-15
David ñemboʼe.
17 Jehová, cherendumína, aipotaite ojejapo chéve hustísia.
Che Jára, ehendumína ajerure jave ndéve ajúda,che ningo ndachejapúi, che pyʼaite guive añeʼẽ ndéve.+
2 Emañána cherehe ha rehecháta ajapoha iporãva.
Ejapomína chéve hustísia.+
3 Nde ningo remaña che korasõme oĩvare,pyharekue rehecha pe oĩva che pyʼapýpe,+ nde ningo cherrefina.+
Upévare nde reikuaa porã che ndakalkulaiha mbaʼeve ivaíva,ha che jurúgui núnka nosẽi hague mbaʼeve ivaíva.
4 Che akumpli ne ñeʼẽ heʼíva, upévare ndaikói umi hénte oikoháicha,ha ni mbaʼevéicharõ ndaikói ajapo mbaʼe vai umi mondaháicha.+
5 Chepytyvõna asegi hag̃ua aguata nde rapére,ani hag̃ua añepysanga.+
6 Che Jára, che ningo añemboʼe ndéve aikuaágui nde cherendutaha.+
Ejapysakána cherehe ha ehendu la haʼéva ndéve.+
7 Nde ningo resalva umi oñemoʼãvape nde poguýpe.*
Haʼekuéra ou ojeprotehe ne enemigokuéragui.
Ehechaukána nembaʼeporãitereiha*+ umi iñeʼẽrendúva ndive.
8 Che Jára, eñangarekomína cherehe reñangarekoháicha nde resaʼỹire,+cheprotehemína ha chemoʼã nde pepo guýpe.+
9 Umi che enemígo chemongorapa ha chejukase,chedefendemína umi tekove aña cheatakávagui.+
10 Haʼekuéra ningo ipyʼahatãiterei,ha umi mbaʼe heʼívare ohechauka oñemombaʼeguasuha hikuái.
11 Koʼág̃a ore rapykuéri oiko hikuái+
oaprovechaségui oimeraẽ oportunida orereity hag̃ua.
12 Peteĩ león vareʼáicha káda uno opeska orerehe.
Hiʼãiterei chupekuéra orejagarra ha orerundi.
13 Jehová, epuʼãna eñemoĩ hesekuéra,+ ha ehundi chupekuéra.
Ejúna nde espáda reheve ha cheguenohẽ umi che enemígo poguýgui.
14 Jehová, chesalvamína umi héntegui.
Haʼekuéra ningo oiko koʼág̃a g̃uarãnte ha nopensái henonderãre.+
Ombyaty hikuái heta rrikésa ha umi mbaʼe porã nde remeʼẽva,+ha upéva hína pe erénsia ohejátava ifamíliape.
15 Che katu ajapo iporãva ha upévare nde cheguerohory.
Che avyʼaiterei pórke aime porã ne renondépe.+
