Salmos 27:1-14
David purahéi.
27 Jehová haʼe chéve g̃uarã peteĩ lus ohesapéva,+ haʼe siémpre chesalva.
¿Mávagui piko akyhyjéta?+
Jehová haʼete peteĩ lugár isegúro porãva.+
Ni mbaʼevéicharõ ndakyhyjemoʼãi.
2 Umi hénte iñañáva ha ndaijaʼéiva cherehe ou cherundi hag̃ua,+péro haʼekuéra jeýnte osẽ vai ha operde.
3 Che ndakyhyjemoʼãi+
oúramo jepe chemongora peteĩ ehérsito,che asegíta ajerovia Ñandejárareoúramo jepe pe ehérsito oñorairõ hag̃ua chendive.
4 Peteĩ mbaʼénte ajerure Jehovápe,ha upévante aipota:
Jehová rógapente aikose aikove aja pukukue.+
Péicha ikatúta ahecha Jehová imbaʼeporãhaha aguerohorýta itémplo.+
5 Ahasa asy jave Ñandejára oñangarekóta cherehe peteĩ lugár isegúro porãvape.+
Haʼe chemoingéta hógape,* upe lugár oĩva kañyháme.+
Haʼe chegueraháta peteĩ lugár ijyvate porãvape cheprotehe hag̃ua.+
6 Che katu koʼág̃a agana umi che enemígo chemongorávape,*
aháta Jehová rógape ha vyʼápe ameʼẽta chupe sakrifísio,apurahéita amombaʼeguasu hag̃ua chupe.
7 Cherendúna Jehová ajerure jave ndéve chepytyvõ hag̃ua,+nembaʼeporãna chendive ha ekontesta chéve che ñemboʼe.+
8 Ñandejára, che korasõ oikuaa nde remanda hague:
“Peñehaʼãna peime porã chendive”.
Ha che ajedesidíma ajapotaha upéva Jehová.+
9 Ñandejára, ani reñemolómo chehegui,*+
ani ndepochy chendive ha reñemomombyry chehegui,nde ningo upe chepytyvõva,+ndaipotaiete chereja rei, nde ningo siémpre chesalva.
10 Che sy ha che ru chereja reíramo jepe,+aikuaa porã Jehová oñangarekotaha cherehe.+
11 Jehová, chemboʼemína aguata hag̃ua nde rapére,+chegia pe tape porãre ani hag̃ua che enemigokuéra ojapo cherehe mbaʼeve.
12 Ani chentrega che enemigokuéra pópe,+haʼekuéra opresenta testígo ijapúva oñeʼẽ hag̃ua che kóntrape+
ha cheamenasa vaipa.
13 Che ajerovia Jehová imbaʼeporãtaha chendive aikove aja pukukue,ndaupéichairire, kién sáve mbaʼépa oiko vaʼerãmoʼã chehegui.+
14 Ehaʼarõ Jehová tanepytyvõ.+
Ndepyʼaguasu ha nembaretékena.+
Ehaʼarõnte Jehová tanepytyvõ.
Nóta
^ Hebréope: “hóga kárpape”.
^ Hebréope: “Che akã oĩ yvateve che enemigokuéragui”.
^ Hebréope: “remokañy nde rova”.
