Salmos 42:1-11
Pe odirihíva musikokuérape g̃uarã. Maskil* Coré raʼykuéra mbaʼéva.+
42 Umi guasu ijuhéi jave oñemoag̃ui pe ýre,peichaite avei che* añemoag̃uise nderehe Ñandejára roadora hag̃ua.
2 Che aikotevẽterei Ñandejára oikovévare, ñaikotevẽháicha pe y ñandeuhéi jave.+
Aipotaitereíma og̃uahẽ pe día ikatuhápe aha jey Ñandejára rógape.*+
3 Cherasẽháre ningo aiko, ára ha pyhare che resaýmante la che rembiʼu.
Tódo el día umi hénte oñembohory cherehe ha heʼi: “Ha koʼág̃a, ¿moõ guaʼu oĩ la nde Dios?”.+
4 Amombeʼupaitéta umi mbaʼe chejopýva che korasõme.*
Chemanduʼa mbaʼéichapa vaʼekue yma,éntre heta ningo roho vaʼerã Ñandejára rógape,che tenondete aha ha adirihi chupekuéra.
Rovyʼa joa ha ropurahéi rohóvo Ñandejárape, haʼete voi roĩva fiéstape.+
5 ¿Mbaʼére piko che* ajedesespera?+
¿Mbaʼére piko añekevrantaiterei?
Che ahaʼarõta Ñandejára chepytyvõ,+haʼe ningo che Salvadór, upévare asegíta amombaʼeguasu chupe.+
6 Ñandejára, che* ningo ajedesesperaiterei.+
Chemanduʼa nderehe+
aĩ aja Jordán ypýrupi,Sérro Hermónpe ha Sérro Mizárpe.*
7 Umi y osyrýva oúvo ohenói umi ýpe,umi y oñehẽva yvatégui hyapu oúvo,umi provléma oupa che ári, haʼete umi oláda tuichaicháva.+
8 Káda pyhareve Jehová ohechaukáta chéve cherayhuetereiha,* ha káda pyhare apurahéita ambotuicha hag̃ua chupe.
Che añemboʼéta Ñandejárape, haʼe ningo omeʼẽ chéve la vída.+
9 Ñandejára ningo peteĩ ita guasu.
Upévare haʼéta chupe: “¿Mbaʼére piko nderesarái chehegui?+
¿Mbaʼére piko che enemigokuéra káusare aiko vaʼerã asufri?”.+
10 Haʼekuéra chetrata vai* ha oipota arreaksiona hesekuéra.
Tódo el día oñembohory cherehe ha heʼi: “Ha koʼág̃a, ¿moõ guaʼu oĩ la nde Dios?”.+
11 ¿Mbaʼére piko che* ajedesespera?
¿Mbaʼére piko añekevrantaiterei?
Che ahaʼarõta Ñandejára chepytyvõ,+haʼe ningo che Salvadór ha che Jára, upévare asegíta amombaʼeguasu chupe.+
Nóta
^ Térã: “che álma”.
^ Hebréope: “renondépe”.
^ Térã: “Añohẽta che álma”.
^ Térã: “che álma”.
^ Térã: “álma”.
^ Térã: “pe montañaʼípe”.
^ Ikatu avei: “omonguʼirõguáicha che kanguekuéra”.
^ Térã: “che álma”.
