ÑAMBOʼE PORÃVE HAG̃UA
Eñembokatupyryvékena: eprepara ndete voi peteĩ presentasión eikuaveʼẽ hag̃ua umi rrevísta
MBAʼÉREPA IÑIMPORTÁNTE: Umi presentasión osẽva jepi ñane prográmape, ñanepytyvõ jaikuaa hag̃ua mbaʼéichapa ikatu ñaikuaveʼẽ umi puvlikasión. Upéicharõ jepe, ikatu rekambia ha rejapo ne ñeʼẽtépe ideprovechotaháicha nde territóriope. Rehechakuaáramo oĩha ótro téma ointeresavétava la héntepe, ikatu reñeʼẽ chupekuéra upévare. Releepa rire pe rrevísta, rehecha rire umi presentasión ha umi vidéo, koʼã suherénsia nepytyvõta rejapo hag̃ua ndete voi peteĩ presentasión.
MBAʼÉICHAPA IKATU REJAPO:
Eñeporandumi: “¿Ideprovéchotapa che territóriope umi presentasión oĩva ko prográmape?”
SI
-
Upéicharõ, eanota mbaʼépa eréta emoñepyrũ hag̃ua peteĩ konversasión pe ogajárandi. Esaluda rire chupe, emombeʼúma vaʼerã maʼerãpa reho hendápe. (Por ehémplo: “Aju ningo rovisita ...”).
-
Reporandu rire chupe peteĩ mbaʼe, ehecha mbaʼépa eréta elee hag̃ua peteĩ téxto ha reikuaveʼẽ hag̃ua pe rrevísta. (Por ehémplo, elee hag̃ua peteĩ téxto ikatu ere: “Emañamína mbaʼépa heʼi la Biblia upévare”).
NO
-
Upéicharõ, eiporavo peteĩ téma neinteresáva oĩva pe rrevístape ha ikatútava reipuru nde territóriope.
-
Ejapo peteĩ pregúnta omokyreʼỹtava pe persónape omombeʼu hag̃ua la opensáva, péro anínte ejapo umi pregúnta oinkomoda vaʼerã chupe. (Por ehémplo, ikatu eipuru umi pregúnta osẽva jepi páhina 2-pe, rrevísta ¡Despertad! ha Ñemañahápe).
-
Eiporavo peteĩ téxto relee hag̃ua. (Oimérõ reikuaveʼẽta rrevísta ¡Despertad!, rehecha vaʼerã releétapa peteĩ téxto térãpa nahániri. Pe rrevísta ningo ojejapo umi ndoikuaaguasúivape g̃uarã mbaʼeve la Bíbliagui ha avei umi ndoikuaaséivape g̃uarã mbaʼeve rrelihióngui).
-
Eanota peteĩ térã mokõi mbaʼe erétava pe ogajárape ohechakuaa hag̃ua mbaʼéichapa oipytyvõta chupe oleéramo pe artíkulo.
HA AVEI
-
Eprepara peteĩ pregúnta ointeresátava pe ogajárape ikatu hag̃uáicha rekontesta chupe ótro rehóvape.
-
Eanota umi mbaʼe nepytyvõtava nemanduʼa hag̃ua umi mbaʼe eresévare eho jey vove.
