MBAʼÉREPA IÑIMPORTÁNTE: Pe estudiánte ojepreparáramo, ifasilvéta chupe ontende ha imanduʼa hag̃ua umi mbaʼe ñamboʼévare chupe. Avei ikatúta pyaʼeve oprogresa. Ojevautisa rire tekotevẽta avei ojeprepara rreunionrã ha osẽ hag̃ua opredika, péicha ikatúta oñatende porã oikóvo (Mt 25:13). Oaprendéramo ostudiakuaa hag̃ua ha ojepokuaáramo ojapo upéva, ideprovéchota chupe oikove aja pukukue. Ñañepyrũre voi jastudia la Biblia peteĩ persónandi ñamboʼéma vaʼerã avei chupe ojepreparakuaa hag̃ua la estudiorã.

MBAʼÉICHAPA IKATU REJAPO:

• Nde voi emoĩ vaʼerã ehémplo (Ro 2:21). Ejeprepara porã embostudia hag̃ua umi héntepe (km 11/15 páh. 3). Ehechauka chupe ne puvlikasión oñemarkapaha.

• Emokyreʼỹ chupe ojeprepara hag̃ua. Pejepokuaáma vove pestudia káda semána, ere ne estudiántepe ñande ñamboʼeha avei la héntepe ojeprepara hag̃ua la estudiorã ha mbaʼéichapa ideprovécho upéva. Emombeʼu chupe mbaʼépa ikatu ojapo oñemotiémpo hag̃ua ikatu hag̃uáicha ojeprepara. Oĩ ermáno oipurukáva iñestudiántepe la ipuvlikasión oñemarkapapyre, ikatu hag̃uáicha ohechakuaa mbaʼéichapa ideprovécho. Efelisita chupe ojeprepara jave.

• Ehechauka chupe mbaʼéichapa ojeprepara vaʼerã. Oĩ puvlikadór oñepyrũrehe voi ombostudia peteĩ persónape ohechaukámava chupe mbaʼéichapa ikatu ojeprepara la estudiorã.