ÑAMBOʼE PORÃVE HAG̃UA | EVYʼAVE EPOROMBOʼÉVO
Emoĩ ehémplo emboʼe hag̃ua umi mbaʼe iñimportantevéva
Jajapo jave rrevisíta térã estúdio bíblico, ñaipytyvõ vaʼerã umi persónape ontende hag̃ua umi mbaʼe iñimportantevéva. Ñamoĩramo ehémplo térã jaipuru komparasión, japokóta ikorasõrekuéra ha imanduʼa porãvéta hikuái umi mbaʼe oaprendévare.
Jajeprepara jave jajapo hag̃ua rrevisíta térã estúdio bíblico, jaheka vaʼerã umi idéa iñimportantevéva, ndahaʼéi umi detálle. Upéi jaiporavo umi ehémplo ha komparasión isensíllova ha ojekuaa porãva (Mt 5:14-16; Mr 2:21; Lu 14:7-11). Iporãta ñapensáramo pe persóna situasiónre ha umi mbaʼe haʼe oikuaámavare voi (Lu 5:2-11; Jn 4:7-15). Katuete ningo javyʼaitereíta jahechávo pe persóna oñeemosionaha oaprende haguére peteĩ mbaʼe ipyahúva.
EHECHA PE VIDÉO JAVYʼÁKENA JAJAPÓVO DISÍPULO: ÑAÑEMBOKATUPYRYVE JAHÁVO: EMOĨ EHÉMPLO EMBOʼE HAG̃UA UMI MBAʼE IÑIMPORTANTEVÉVA, HA UPÉI ERRESPONDE KOʼÃ PORANDU:
-
¿Mbaʼérepa umi estudiánte de la Biblia oikotevẽ jepi ajúda ontende hag̃ua umi téxto bíblico?
-
¿Mbaʼe ehémplopa oipuru Nilda omyesakã hag̃ua Romanos 5:12?
-
Umi ehémplo porã opoko umi hénte korasõre
¿Mbaʼéichapa umi ehémplo porã ikatu oipytyvõ umi ñanerendúvape?
-
¿Mbaʼérepa iñimportánte jaipuru umi vidéo ha umi ótra erramiénta omeʼẽva ñandéve Jehová organisasión?
