Oĩ jave ñanemaltratáva ñañeñandu vaieterei ha ikatu voi ñañedeprimi. Ivaiveha, oĩramo oñembohorýva térã oñemoĩva ñanderehe jaservi haguére Jehovápe, ikatu voi jaju ñañemomombyry chugui. ¿Mbaʼéichapa nde ikatu rejeprotehe umichagua maltrátogui?

Jehová siervokuéra apytépe, heta oĩ osuperáva koʼã mbaʼe ojerovia rupi hese (Sl 18:17). Por ehémplo, Hamán iñaña ha operhudikase vaʼekue Ñandejára puévlope, péro Ester ipyʼaguasu ha omombeʼu rréi Asuérope la ojaposemoʼãva ko karai (Est 7:1-6). Péro ojapo mboyve upéva, Ester oajuna ohechauka hag̃ua ojeroviaha Jehováre (Est 4:14-16). Jehová ovendesi chupe, upévare oprotehe pe puévlope ha chupe avei.

Mitãrusukuéra, ikatu oime peẽ avei pesufri peteĩ persóna iñañáva káusare. Péicha javékena pejerure Jehovápe tapenepytyvõ, ha peñemongeta peteĩ ermáno térã ermána ijerovia mbaretévandi ha pejerure chupe ajúda, ikatu por ehémplo pende túa térã pende sýpe. Ikatu peime segúro Jehová penepytyvõtaha, oipytyvõ haguéicha Estérpe. ¿Mbaʼe mbaʼépa ikatu pejapove oĩramo oñembohorýva penderehe térã pendetrata vaíva?

EHECHA PE VIDÉO MITÃRUSUKUÉRA REMBIASAKUE: ¿MBAʼÉICHAPA IKATU REÑEDEFENDE UMI NEINCHÁVAGUI?, HA UPÉI ERRESPONDE KOʼÃ PORANDU:

• ¿Mbaʼépa mitãrusukuéra ikatu oaprende Charlie ha Ferin ehémplogui?

  Rrespuésta

• ¿Mbaʼépa oipytyvõ raʼe Charlie ha Férinpe osupera hag̃ua la oikóva hesekuéra, ha mbaʼépa tuakuéra ikatu oaprende upévagui?

  Rrespuésta