Ñane páhina de Internétpe, jw.org, oĩ hetaiterei artíkulo ha vidéo ojejapóva ointeresa hag̃uáicha voi umi hénte ipyʼaporãvape (Hch 13:48). Upépe oñemoĩ jepi umi mbaʼe osẽva notisiérope térã oipyʼapýva la héntepe.

¿Mbaʼéichapa nde ikatu reipuru jw.org repredika hag̃ua?

• Eike meme jw.org-pe reikuaa hag̃ua mbaʼe ipyahúvapa osẽ. Ehecha mbaʼe artíkulopa oñerrekomenda pe páhinape térã mbaʼépa la ojehechavéva, ha epensa mbaʼéichapa ikatu reipuru umíva repredika hag̃ua. (Reikuaa hag̃ua mbaʼe mbaʼépa la ramoite oñerrekomendáva, eike pe páhina de inísiope ha ejopy heʼihápe “Ehechave”). Koʼã mbaʼe katuete nepytyvõta ereko hag̃ua siémpre álgo ipyahúva ekomparti hag̃ua la héntendi.

• Eipuru umi artíkulo ha vidéo osẽva reikérema voi pe páhinape. Koʼã mbaʼe nepytyvõta reikuaa hag̃ua mbaʼe mbaʼépa oipyʼapy hína la héntepe ha ikatu reipuru umíva reñepyrũ hag̃ua reñemongeta hendivekuéra.

• Ehechauka pe ogajárape ñande sítio de Internet. Ehechauka chupe pe párte heʼihápe “Eelehi pe téma ndegustavéva” oĩva pe páhina de inísiope, ha eexplika chupe mbaʼéichapa ikatu otopa hetave informasión.

• Ekomparti peteĩ enláse. Oĩ algúno noñemongetaséiva ñanendive en persóna, péro naiprovlemaiete oike hag̃ua ñane páhina de Internétpe. Upévare, aníkena eduda ekomparti hag̃ua peteĩ enláse umichagua persónandi, oguerahátava chupe dirékto jw.org-pe térã algún ótro artíkulo o vidéope.