Ehémplo porã: Timoteo

Timoteo oñembosakoʼi oheja hag̃ua hóga, péro ndahaʼéi ku okañýtava isy ha itúvagui. Haʼe omoirũta apóstol Páblope omoherakuã hag̃ua opárupi pe marandu porã. Timoteo 20 áñonte oreko, péro ohechaukáma iñakãguapyha. Upévare ‘umi ermáno Listra ha Iconioygua oñeʼẽ porã hese’ (Hechos 16:2, NM). Pablo ojerovia Timotéore ha oikuaa ideprovechoitereitaha Ñandejára servísiope. Mbaʼépa oiko upe rire? Timoteo omoñepyrũ heta kongregasión, ha ohohápe omokyreʼỹ ha omombarete ermanokuérape. Haʼéngo imbaʼeporã, ikatupyry ha noñemombaʼeguasúi, upévare Pablo ohayhueterei chupe. Ha once áño rire, heʼi Timotéore: ‘Ndarekói ambue ermáno haʼéicha ojepyʼapy añetéva penderehe’ (Filipenses 2:20).

Nde avei reĩramo rejapo hag̃uáicha opa mbaʼe Jehovápe g̃uarã revyʼáta ha neraʼarõ heta mbaʼe porã. Umi mbaʼe rejapóva Ñandejára rehehápe arakaʼeve ndopytareimoʼãi, haʼe omombaʼeterei umi mitãrusu ombaʼapo kyreʼỹvape chupe g̃uarã (Salmo 110:3). La Biblia heʼi voi Jehová ‘hekojoja ha ndahesaraimoʼãiha umi mbaʼe pejapovaʼekuégui’ (Hebreos 6:10).