AKOMODADORKUÉRA. Umi akomodadór oĩ ñanepytyvõ hag̃ua, upévare por favór jajapókena haʼekuéra heʼíva ñamohendáta vove ñande veíkulo estasionamiéntope, jahekávo ñane asientorã térã ótra kósa haʼekuéra ojeruréva ñandéve.

ASIENTOKUÉRA. Ñanembaʼerechakuaákena ñande rapichakuéra ndive. Ani jaheja reínte mbaʼeve umi sílla ári, péicha umi ótra persóna ikatúta ohecha oĩha lívre umi asiénto. Ñanemanduʼa vaʼerã ikatuha jarreserva asiénto ñane famíliape, ñane estudiántepe, umi oúvape ñanendive ñande veíkulope, térã umi oikóvape ñande rógape g̃uarãnte.

KONTRIVUSIÓN. Heta ningo ojegasta ojejapo hag̃ua ko aty guasu ñanepytyvõtava ñañemoag̃uive hag̃ua Jehováre. Por ehémplo, oñekonsegi vaʼerã asiénto, ekípo de vidéo ha sonído, ha hetave mbaʼe. Upévare ko aty guasúpe jatopáta heta káha ikatuhápe ñamoĩ ñane kontrivusión. Ikatu avei jajapo ñane kontrivusión ko sítiope: visiting donate.dan124.com. Pe pláta oñemoĩva koʼã káhape ojepurúta ojepaga hag̃ua umi gástore, ha avei ojepredika hag̃ua opárupi. Oñemombaʼeterei pendepojera haguére, ha Kuérpo Governánte oagradese peẽme.

OBJETOS PERDIDOS. Petopáramo peteĩ mbaʼe okañýva, pegueraha vaʼerã ko departaméntope. Ha okañýramo pendehegui peteĩ mbaʼe, ikatu peho peheka upépe. Pehechakuaárõ peteĩ mitã okañy ha ndotopaveiha ituakuérare, ikatu avei pegueraha upépe. Upéicharõ jepe, ko departaménto noĩri oñangareko hag̃ua mitãre. Tuakuéra, peñangarekókena pene famíliare ha ani peheja oho mombyry pendehegui.

PRIMEROS AUXILIOS. Ñanemanduʼákena por favór ko departaménto oĩha oñatende hag̃ua oĩ jave emerhénsiante.

VAUTÍSMO. Oñemoĩta chupekuéra iñasientorã platafórma renondépe ndojeʼéima guive ótra kósa. Umi ojevautisátava oguapy vaʼerã pe lugár ojerreservahápe chupekuéra oñepyrũ mboyve pe diskúrso de vautísmo, ojejapótava sábado pyhareve. Enterovéva ogueru vaʼerã ao idesénteva ha peteĩ toálla.

VOLUNTÁRIO. Reipytyvõséramo ko aty guasu aja, rehokuaa reñeʼẽ umi ombaʼapóvandi Departamento de Información y Servicio Voluntáriope. Upépe ojeʼéta ndéve mbaʼépa ikatu rejapo.

Eskuéla de Evanhelisadór Domingo kaʼaru ojejapóta peteĩ rreunión umi ohosévape g̃uarã ko eskuélape. Oñeinvita oho hag̃ua umi prekursór ombaʼaposevéva Jehová servísiope ha orekóva éntre 23 ha 65 áño. Platafórma guive oñeanunsiáta moõite ha mbaʼe órapa ojejapóta.