Ore ermanokuéra pehayhúva Jehovápe:

Áño 1971-pe ojejapo vaʼekue pe asambléa de distríto hérava “Nombre Divino”. Umi oho vaʼekue ko asambléape ovyʼaiterei kuri orresivi haguére heta puvlikasión pyahu. Pe Anuario de 1972 heʼi vaʼekue: “Ndaikatúi ni ñañeimahina mbaʼeichaite pevépa iporã koʼã puvlikasión”. Peteĩ ermáno heʼi peteĩva umi puvlikasión oñepresenta vaʼekuére: “Ñanemopirĩmba ningo mbaʼéichapa ko lívro omombeʼu umi mbaʼe oikótava amo gotyove. Peichagua lívro ningo núnka ndajarekói vaʼekue”. ¿Mbaʼe puvlikasiónrepa oñeʼẽ hína raʼe ko ermáno? Upéva hína pe lívro hérava “Las naciones sabrán que yo soy Jehová”... ¿cómo?, ¿péro mbaʼérepa iñinteresantete vaʼekue ko lívro? Pórke pype oĩ vaʼekue heta entendimiénto pyahu omyesakã porãvéva umi profesía oĩva lívro de Ezequiélpe, ha koʼã profesía omombeʼu mbaʼépa oikóta amo gotyove entéro persóna oĩvagui ko yvy ape ári.

Umi áño osẽ rire pe lívro “Las naciones sabrán”, Ñandejára puévlo pyaʼeterei okakuaa, ñaĩhágui 1 millón imédio koʼág̃a ñaiméma 8 millón rasa (Is. 60:22). Koʼã millones oservíva Jehovápe oñondivepa oñeʼẽ mas de 900 idióma (Zac. 8:23). Péro heta oĩ núnka ndorekóiva oportunida ostudia hag̃ua peteĩ lívro omyesakãva en detálle umi profesía oĩva lívro de Ezequiélpe.

Hiʼarive 1971 rire oñentende porãve heta mbaʼe omboʼéva la Biblia, pórke pe lus ohesapéva hesakã hesakãve ohóvo (Prov. 4:18). Áño 1985-pe ñañepyrũ ñantende porãve umi ‘ótro ovechakuérare’ ojeʼeha ihustoha, ha oikoha chuguikuéra Ñandejára amígo (Juan 10:16; Rom. 5:18; Sant. 2:23). Upéi, 1995-pe, primera ves oñentende pe huísio finál ojejapótava ojesepara hag̃ua umi “ovecha” umi “kavarágui”, oikotaha pe “jehasa asy guasu” aja (Mat. 24:21; 25:31, 32). Entéro koʼã entendimiénto pyahu oafekta mbaʼéichapa oñentende heta mbaʼe oĩva lívro de Ezequiélpe.

Umi áño ohasa vaʼekuépe, pe lus osegi kuri hesakã hesakãve. Epensamína por ehémplo umi mbaʼe ñaaprendévare umi ehémplo Jesús oipuru vaʼekuégui. Koʼã mbaʼe ñaaprende vaʼekue katuete hesakã porãiterei ñandéve koʼág̃arupi, opoko ñane korasõre ha ndahasyiete ñantende hag̃ua. Heta umi ehémplo Jesús oipuru vaʼekue, ohechauka umi mbaʼe oikótava pe jehasa asy guasu aja hiʼag̃uimbaitémava ohóvo. Upéicha avei, ñantende porãve heta profesía oĩva lívro de Ezequiélpe. Umíva apytépe umi profesía oñeʼẽva Gog de Magog rehe (kapítulo 38 ha 39), pe traváho ojapóva pe kuimbaʼe orekóva pe tínta ryru (kapítulo 9), pe ñu henyhẽva umi kanguekue iséko verávagui ha pe oñeʼẽva umi mokõi yvyra oñembojoaju vaʼekuére (kapítulo 37). Entéro koʼã mbaʼe oñemyesakã vaʼekue ipyahuve umi mbaʼe ojeskrivi vaʼekuégui pe lívro héravape “Las naciones sabrán”.

Upéicha rupi, heta ermáno ha ermána oñeporandúma kuri: “¿Arakaʼépa jarekóne peteĩ lívro pyahu omyesakãva umi profesía oĩva Ezequiélpe?”. Ko puvlikasión hérava ¡Ojeadora jey vove Jehovápe añoiténte! haʼe hína pe lívro oñehaʼarõ vaʼekue. Releévo rehóvo umi 22 kapítulo orekóva ha rehechávo umi taʼanga porã porã oĩva pype, katuete remombaʼetereíta mbaʼéichapa oñeinvestiga porã kuri ojeprepara hag̃ua ko lívro. Heta rojepyʼamongeta ha roñemboʼe ore pyʼaite guive rontende hag̃ua mbaʼérepa Jehová oheja vaʼekue ñandéve la Bíbliape pe lívro de Ezequiel, orekóva hetaite mbaʼe porã. Roñehaʼãmbaite kuri ikatu hag̃uáicha oñembohovái koʼã porandu: ¿Mbaʼe mbaʼépa omboʼe vaʼekue lívro de Ezequiel umi oiko vaʼekuépe upe tiémpope, ha mbaʼépa ñanemboʼe koʼág̃arupi?  ¿Mbaʼe profesíapa ofalta gueteri oñekumpli amo gotyove? ¿Ikatúpa jaʼe entéro umi detálle oĩva umi profesíape heʼise térã orrepresentaha álgo? Ko lívro Ojeadora jey Jehovápe ombohovái koʼã porandu. Pe lívro de Ezequiel ningo ymaite guive ointeresa vaʼekue heta héntepe, ha ko puvlikasiónpe retopáta umi entendimiénto ipyahuvéva ojerekóva.

Releéramo pe lívro de Ezequiel oñepyrũ guive opa peve, katuete ndejurujáita repytávo repensávo mbaʼéichapa ombaʼapo Jehová organisasión, pe párte oĩva yvágape. Katuete avei remombaʼetereíta umi mandamiénto Jehová omeʼẽ vaʼekue umi oadorasévape chupe haʼe oipotaháicha, tahaʼe umi oĩva yvágape ha avei ko yvy ape ári. Ko lívro Ojeadora jey Jehovápe nepytyvõta remombaʼeve hag̃ua umi mbaʼe Jehová ojapóma vaʼekue ipuévlo rehehápe, ha avei umi mbaʼe koʼẽrõitéma ojapo jeýtava hesehapekuéra. Rehechakuaáta ko lívrope heta vése oñeñeʼẽha mokõi téma iñimportantetereívare. Primero, ikatu hag̃uáicha Jehová ñandeguerohory, jaikuaa ha ñarrekonose vaʼerã Jehová haʼeha pe ogovernáva ko univérso kompletoite. Segundo, jaadora vaʼerã Jehovápe haʼe oipotaháicha ha jaiko asegún umi mandamiénto haʼe omeʼẽ vaʼekue ñandéve.

Hiʼãiterei ningo oréve ko puvlikasión nemokyreʼỹ resegi hag̃ua readora Jehovápe redesidíma haguéicha, ha péicha remombaʼeguasu pe héra tuichaite ha sagradoitéva. Roipota avei nemokyreʼỹ resegi hag̃ua rehaʼarõ kyreʼỹme pe día entéro nasión oikuaatahápe haʼe “haʼeha Jehová” (Ezeq. 36:23; 38:23).

Roipotaite ñande Ru Jehová ñanderayhuetéva nevendesi reñehaʼãmbaite haguére rentende pe lívro haʼe oskrivika vaʼekue Ezequiélpe.