¿Mbaʼépa ojapo vaʼekue Jesús?

¿Mbaʼépa ñaaprende Jesúsgui?

2. Ñande jahechauka jahayhuha ñande rapichápe jajesakrifika ha ñañemeʼẽmbaitévo ikatu hag̃uáicha ñamboʼe umi héntepe oiko hag̃ua chuguikuéra Jesús disípulo.

 Jasegíkena Jesús ehémplo

3. Ejapo pe kúrso bíblico pe óra ha lugár opyta porãvévape ne estudiántepe. ¿Mbaʼe díapa opyta porãve ne estudiántepe ha mbaʼe órapa okonvenive chupe? ¿Opyta porãvétapa pestudia itravahohápe, hógape térã ótro lugárpe? Ejapókena ikatúva entéro pestudia hag̃ua pe óra ha pe lugár okonvenivévape chupe.

4. Ejapo pe estúdio káda semána. ¿Mbaʼépa oikóta reiméramo mombyry ha ndaikatumoʼãi ejapo nde estúdio? Ekanselánte rangue, iporãvéta reñeporandúramo koʼã mbaʼe:

1.    ¿Ikatúpa ajapo pe estúdio ótro díante ko semánape?

2.   ¿Ikatúpa rostudia teléfono térã videollamáda rupive?

3.   ¿Ikatúpa ajerure peteĩ ermáno térã ermánape ojapo hag̃ua pe estúdio che vése?

5. Ejerure Jehovápe tanepytyvõ ndepositívo hag̃ua. Eñemboʼe Jehovápe ha ejerure chupe tanepytyvõ ani hag̃ua repensa ne estudiánte naipohãveimaha, oiméramo jepe ijetuʼu chupe pestudia hag̃ua káda semána térã ojapo hag̃ua umi kámbio (Filip. 2:13). Katuete ne estudiánte oreko heta kualida porã, ejerure Jehovápe tanepytyvõ eñekonsentra hag̃ua umívare.