UMI HÉNTE

Mbaʼépa heʼi la Biblia: Ñandejára “ojapo ko yvy ojeiko hag̃ua pype, ndahaʼéi ojapo rei reínte vaʼekue” (ISAÍAS 45:18).

KO YVY

Mbaʼépa heʼi la Biblia: “Peteĩ henerasión oho, ha peteĩ henerasión ou, péro ko yvy opytáta pára siémpre” (ECLESIASTÉS 1:4).

MBAʼÉPA HEʼISE UPÉVA: La Biblia heʼi ko ñane planéta núnka noñehundimoʼãiha ha siémpre oĩtaha hénte oikóva pype. Upéicharõ, ¿mbaʼépa heʼise pe fin del múndo?

EPENSAMÍNTENA: La Biblia heʼi pe fin del múndo ojoguataha la oiko vaʼekuépe Noé tiémpope. Upérõ guare henyhẽma kuri “pe yvy umi hembiapo vaívagui” (Génesis 6:13). Péro Noé ihústo vaʼekue. Upévare Ñandejára oñangareko Noé ha ifamíliare péro ohundi umi hénte añáme peteĩ dilúvio rupive. La Biblia omombeʼu upéva ha heʼi: “Koʼã mbaʼe ohundi vaʼekue umi hénte upe tiémpope guarépe. Péva oiko pe y ojagarrapárõ guare ko yvy tuichakue” (2 Pedro 3:6). Upérõ oiko vaʼekue peteĩ ñehundi guasu. ¿Péro mbaʼépa la oñehundi vaʼekue? Noñehundíri pe yvy síno umi hénte hembiapo vaíva. Upévare ikatu jaʼe la Biblia oñeʼẽ jave pe fin del múndore ndeʼiséi oñehunditaha ñane planéta. Upéva rangue, heʼise oñehunditaha umi hénte aña oikóvape ko yvy ape ári ha umi organisasión okreáva hikuái.

UMI PROVLÉMA HA MBAʼE VAI

Mbaʼépa heʼi la Biblia: “Koʼẽrõitéma opáta umi hénte iñañáva, remañáta oĩ haguépe hikuái, ha ni hendague ndopytamoʼãi. Péro umi hénte ivuénova opytáta ko yvy ape ári, haʼekuéra ovyʼaitereíta pórke oikóta pyʼaguapýpe ha noñekevrantamoʼãi mbaʼevete asýre” (SALMO 37:10, 11).

MBAʼÉPA HEʼISE UPÉVA: Pe Dilúvio ou vaʼekue Noé tiémpope nohundíri vaʼekue umi mbaʼe vai pára siémpre. Upe rire umi hénte aña oñepyrũ jey ojapo ivaíva. Péro koʼẽrõitéma Ñandejára ohundietéta umi mbaʼe vai opa ára g̃uarã. Pe Salmo heʼi voi: “Opáta umi hénte iñañáva”. Ñandejára ojapóta upéva Irréino rupive. Ko Rréino ogovernáta yvága guive ko yvy tuichakuére ha ipoguýpe oĩta umi hénte ojaposéva Ñandejára volunta.

EPENSAMÍNTENA: ¿Mbaʼépa ojapóta umi governánte ko mundopegua? ¿Oapojátapa Ñandejára Rréinope? La Biblia heʼi ndojapomoʼãiha upéva. Oñemoĩta guei Ñandejára goviérno kóntrape ha tuicha osẽ vaíta hikuái (Salmo 2:2). ¿Mbaʼépa oikóta upémarõ? Ñandejára Rréino opytáta entéro umi goviérno rendaguépe ha ko Rréino añoite “opytáta opa ára g̃uarã” (Daniel 2:44). ¿Péro mbaʼérepa nogovernavéi vaʼerã la umanokuéra?

Mbaʼépa heʼi la Biblia: ‘Yvypóra ndorekói derécho ni odirihívo hekove ijehegui rei’ (JEREMÍAS 10:23).

MBAʼÉPA HEʼISE UPÉVA: Ndojekreái vaʼekue yvyporakuérape oporogoverna hag̃ua. Ñande ndaikatúi ñagoverna porã ni ñasolusionamba umi provléma oĩva.

EPENSAMÍNTENA: Pe ensiklopédia Britannica Academic heʼi umi goviérno diferénte paisgua “ndaikatuiha osolusiona umi provléma oĩva ko yvy tuichakuére, por ehémplo pe povrésa, ñembyahýi, mbaʼasy, desástre naturál, gérra ha violénsia”. Avei heʼi “oĩha opensáva oĩramo peteĩ goviérno añoiténte ko múndope ikatuha oñesolusionaite koʼã provléma”. Péro ñapensa porãramo, umi goviérno oñomoirũramo jepe ogoverna hag̃ua, osegíta ogoverna umáno iñimperféktova ndaikatúiva osolusiona umi provléma jaʼe vaʼekue. Upéicharõ, Ñandejára Rréino añoite hína la orekóva pe podér osolusiona hag̃ua pára siémpre umi mbaʼe vai.

La Biblia ohechauka umi hénte ivuénova natekotevẽiha okyhyje pe fin del múndogui, pórke upérõ oñehundíta umi mbaʼe vai oĩva ko múndope. Upévare ikatu voi jaʼe javyʼa vaʼerãha oúta haguére pe fin pórke Ñandejára múndo pyahu opytáta ko múndo ivaipaitéva rendague.

Péro, ¿arakaʼépa oikóta upéva? Pe ótro artíkulo ohechaukáta mbaʼépa heʼi la Biblia upe témare.