Segunda a los Corintios 12:2, 3-pe Pablo heʼi “ojegueraha hague pe yvága mbohapyha peve” peteĩ kuimbaʼépe. ¿Mávarepa oñeʼẽ kuri? Pe kárta oskrivi vaʼekuépe umi Corintoguápe, haʼe omombeʼu porã Ñandejára oipuruha chupe apóstolramo (2 Cor. 11:5, 23). Upéi heʼi: “Añeʼẽta umi visión ha umi marandu oikuaaukávare chéve ñande Ruvicha”. Jahechaháicha, Pablo nomensionái ótro ermánope, upévare jaʼekuaa chupe voi oñemeʼẽ hague umi visión ha umi marandu (2 Cor. 12:1, 5).

Upéicharõ, Pablo hína pe “ojegueraha” vaʼekue “yvága mbohapyha peve” ha “pe paraísope” (2 Cor. 12:2-4). Oipurúvo pe fráse “umi marandu”, ohechauka oñeʼẽha peteĩ mbaʼe oikótavare tenondeve.

¿Mbaʼépa hína pe “yvága mbohapyha” oñeʼẽ hague Pablo?

La Biblia oñeʼẽ jave yvágare ikatu ojerreferi pe yvága ikatúvare jahecha (Gén. 11:4; 27:28; Mat. 6:26). Sapyʼánte ojerreferi avei yvyporakuéra goviérnore (Dan. 4:20-22). Ỹrõ ikatu ojerreferi Ñandejára Rréinore (Apoc. 21:1).

Upéicharõ, ¿mbaʼe rehepa oñeʼẽ Pablo heʼírõ guare “yvága mbohapyha”? Sapyʼánte la Bíbliape ojerrepeti peteĩ mbaʼe 3 vése ohechauka hag̃ua iseguroiteha térã iñimportantetereiha (Is. 6:3; Ezeq. 21:27; Apoc. 4:8). Amalisia Pablo oñeʼẽrõ guare pe “yvága mbohapyha” rehe, ojerreferi hína kuri peteĩ goviérno ijyvatetereívare: pe Rréino Mesiániko oĩva Jesucristo pópe ha ogovernatahápe hendive umi 144.000 unhído (ehecha Perspicacia para comprender las Escrituras, volúmen 1, páhina 473, 476). Apóstol Pablo heʼi haguéicha, ñande ñahaʼarõ hína pe ‘yvága pyahu’ Ñandejára opromete vaʼekue (2 Ped. 3:13).

¿Ha mbaʼépa jaʼekuaa pe ‘paraíso’ Pablo oñeʼẽ vaʼekuére?

Pe palávra ‘paraíso’ ikatu hína heʼise mbohapy mbaʼe. Primero, ikatu ojerreferi pe hardín neporãvare oĩtava ko yvy ape ári, pórke ñanemanduʼa pe primer kuimbaʼépe oñemoĩ hague peteĩ hardín iporãitereívape. Segundo, ikatu hína heʼise Ñandejára siervokuéra oikotaha pyʼaguapýpe pe múndo pyahúpe. Ha tercero, ikatu avei ojerreferi Ñandejára paraíso ijojahaʼỹvare oĩva yvágape, oñemensionáva Apocalipsis 2:7-pe (ehecha Ñemañaha 15 de julio de 2015, páhina 8, párrafo 8).

Ikatu oime Pablo ojerreferi raʼe koʼã mbohapy paraísore heʼírõ guare la oĩva 2 Corintios 12:4-pe.

Ñarresumi hag̃ua:

Pe “yvága mbohapyha” oñemensionáva 2 Corintios 12:2-pe posívlemente haʼe hína pe Rréino Mesiániko oĩva Jesucristo pópe ha ogovernatahápe hendive umi 144.000 unhído. Ko goviérnope oñehenói avei pe ‘yvága pyahu’ (2 Ped. 3:13).

Upe goviérnope oñehenói “yvága mbohapyha” pórke tuichaiterei mbaʼe ha ndaipóri ohupytýva chupe.

Pe ‘paraíso’ Pablo “ojegueraha” haguépe peteĩ visión rupive, ikatu hína heʼise mbohapy mbaʼe. Primero, pe paraíso oĩtava ko yvy ape ári. Segundo, jaikotaha pyʼaguapýpe pe múndo pyahúpe ha péva tuichaitevetaha pe pyʼaguapy koʼág̃a jarekóvagui Ñandejára puévlope. Ha tercero, Ñandejára paraíso yvagapegua. Koʼã mbohapy mbaʼe oĩta al mísmo tiémpo ág̃a ou vove Ñandejára múndo pyahu.

Upéicharõ, ñañeʼẽ jave pe múndo pyahúre, ñañeʼẽ hína pe “yvága ha yvy ipyahúvare”. Upéva ningo peteĩ arréglo ipyahúva oĩtahápe pe Rréino yvagapegua ha avei yvyporakuéra oservítava Jehovápe peteĩ paraísope ko yvy ape ári.