¿Ikatu piko umi sientífiko oexplika mbaʼéichapa oñeforma ko univérso ha mbaʼéichapa oñepyrũ la vída? Nahániri. Heta oĩ opensáva umi sientífiko ikatuha oexplika mbaʼéichapa oñeforma vaʼekue pe univérso. Peteĩ profesór omboʼéva astronomía Universidad de Dártmouthpe, hérava Marcelo Gleiser heʼi: “La verda ke koʼag̃aite peve ndaikatúi roexplika mbaʼéichapa oñeforma vaʼekue ko univérso”.

¿Ha ikatúmapa oexplika hikuái mbaʼéichapa oñepyrũ vaʼekue la vída? Peteĩ artíkulo osẽ vaʼekue Science Néwspe heʼi: “Ikatu voi núnka ndajaikuaái mbaʼéichapa oñepyrũ vaʼekue la vída ko yvy ape ári. La majoría umi fósil ha ita ikatúvagui ñanohẽ informasión aretereíma odesaparese hague”. Koʼã mbaʼe ohechauka porã umi sientífiko ndaikatuitiha oexplika mbaʼéichapa oñeforma vaʼekue ko univérso ha mbaʼéichapa oñepyrũ vaʼekue la vída.

Ikatu oime reñeporandu hína: “Oiméramo álgien okrea raʼe la vída, ¿mávapa hína upéva? Ha oiméramo oĩ peteĩ Kreadór ivaleterei ha ipyʼaporãva, ¿mbaʼérepa opermiti jasufri? ¿Mbaʼére oheja oĩ hetaite rrelihión? ¿Ha mbaʼére opermiti hetaite hénte irrelihiósova ojapo heta mbaʼe vai?”.

Umi sientífiko ndaikatúi orresponde koʼã pregúnta, péro upéva ndeʼiséi avave ndaikatuiha ojapo upéva. Heta hénte otopáma la rrespuésta la Bíbliape.

Oĩ sientífiko omboykéva itiémpo ohecha hag̃ua mbaʼépa heʼi la Biblia. ¿Eikuaasépa mbaʼérepa algúno sientífiko oguerovia oĩha peteĩ Kreadór? Eike jw.org-pe, ha emoĩ pe vuskadórpe “mbaʼéicha oñepyrũ la vída”.