Oiméne heta vésema jaʼe upéicha jahechávo umi Ñemañaha ipyahúva. Heta ningo ojeiko ojeprepara hag̃ua umi taʼanga, ha noñemoĩri oĩ porãgui reínte. Umíva ñanemopensa ha opoko voi ñanderehe. Ideprovechoiterei ñandéve japrepara jave ñane Ñemañaha rreuniónpe g̃uarã ha avei ñakomenta hag̃ua upépe.

Por ehémplo, ikatu ñañemotiémpo ñapensa hag̃ua mbaʼérepa oñemoĩ pe taʼanga oĩva oñepyrũvo káda artíkulo. ¿Mbaʼépa ñanemboʼe upéva? ¿Mbaʼérepa jaʼekuaa ohoha pe témare ha pe téxto omopyendávare pe artíkulo? Upéi jajesareko vaʼerã avei ambue taʼangakuérare ha jahecha mbaʼéichapa oho pe témare ha mbaʼéichapa ideprovéchota ñandéve.

Pe ermáno omoakãva Ñemañaha Ñehesaʼỹijo ojeruréta ermanokuérape tokomenta mbaʼéichapa umi taʼanga oho pe artíkulore ha mbaʼéichapa oipytyvõ chupekuéra. Heta vése pe taʼanga guýpe oñemoĩ mbaʼe párrafopepa oñeñeʼẽ hese. Péro oĩ avei taʼanga ndorekóiva upéva. Upéicha jave pe ermáno omoakãva odesidi vaʼerã mbaʼe párrafopepa oñeñeʼẽta upe taʼangáre. Péichamante ermanokuéra oñevenefisiáta umi taʼanga ojeprepara porã vaʼekuégui ha ñantendéta mbaʼépa la Biblia ñanemboʼe.

Peteĩ ermáno heʼi: “Jalee rire peteĩ artíkulo ojeprepara porãva, jaʼekuaa umi taʼanga ombojeguaha umi mbaʼe ñaaprendéva”.