Reikuaa porãpa nde Ru yvagapeguápe?

REIKUAA porãpa nde rúpe? Hetápe ikatu ombopochy ñaporandúramo chupe péicha, ha heʼíta voi ñandéve: “Aikuaa porãiterei chupe!”. Upeichaite, ñande ningo jaikuaa mbaʼépa ogusta ha mbaʼépa ndogustái ñande rúpe. Jaikuaa avei mbaʼépa opensa heta mbaʼére ha mbaʼeichaitépa oñehaʼã oñangareko porã ifamíliare.

Péro, sapyʼánte ikatu ojapo peteĩ mbaʼe nañahaʼarõivaʼekue. Pór ehémplo, peteĩ mitã ikatu heʼi itúva iguéno ha itrankiloha. Péro oikóvo peteĩ mbaʼe vai, ohecha mbaʼéichapa pyaʼe odefende chupekuéra.

Mbaʼépa ikatu jaʼe ñande Apoharére? La Biblia heʼi ‘Ñandejára rupi niko jakuʼe ha jaikove’ (Hechos 17:28). Ñandejára omeʼẽ ñandéve ñande rekove, ha upévare haʼe ñande Ru (Isaías 64:8). Ndépa repensa avei upéicha? Péro, ndahaʼéi upévante ñapensavaʼerã. Enterove ningo ikatu jaikuaa porãve ñande Apoharépe. Upéicharõ javyʼáta ha jahupytýta heta mbaʼe porã.

Ñañeʼẽmi jeýna ñane famíliare. Mbaʼépa ikatu jajapo jahayhu ha ñamombaʼeve hag̃ua ñande rúpe? Jaikuaa porã vaʼerã chupe. Péicha jajapovaʼerã avei ñande Ru yvagapegua ndive. Jaikuaa porãvévo mbaʼeichaguápa Haʼe ha mbaʼéichapa oipota jaiko, ñañemoag̃uivéta hese. Upéva ñanepytyvõta jagueropuʼaka hag̃ua ñane provlemakuéra.

Péro, mbaʼeichaguápa Ñandejára? Mbaʼeichagua mbaʼe porãpa Haʼe ojapo ñanepytyvõtava jahayhu hag̃ua chupe? Mbaʼépa jajapovaʼerã jaikuaa haguére Ñandejárape? Koʼã mbaʼe jaikuaáta pe artíkulo oúvape.

[Komentário oĩva páhina 3-pe]

Jahayhuve ningo peteĩ jaikuaa porãvape