¿Ikatúpa jajerovia umi rrelihión rehe? Pláta
Estela * ohómi peteĩ iglésiape imembykuéra ndive, ha peteĩ árape heʼi upe omoakãvape ontende porãseha la Biblia. Péro noipytyvõimarõ chupe, ndohovéintema upe iglésiape. Upéi Estela omombeʼu: “Umi che rrelihionpegua orahaka chéve peteĩ kárta, ha heʼi chéve ndaikatúiramo aha upe iglésiape, arahakánte hag̃ua chupekuéra che donasión. Ahechakuaa che plátante ointeresaha chupekuéra”.
Angelina, peteĩ kuñakarai ndofaltái vaʼekue tupaópe, heʼi: “Che iglésiape tres vése voi ombohasámi hikuái pe mbaʼyru oñembyatyha ofrénda, ha káda ombohasánte ohaʼarõ oñemoĩ álgo. Plátante voi oipota hikuái. Upévare che apensa: ‘Ñandejára noĩri koʼã hénte ndive’”.
Ha umi rrelihión nde reikuaáva, ¿ojopýpa umi héntepe omeʼẽ hag̃ua pláta? ¿Ombotavytavýpa umi héntepe okaru hag̃ua hesekuéra? ¿Ojapópa hikuái upéicharõ la Biblia heʼíva?
¿MBAʼÉPA OMBOʼE LA BIBLIA?
Jesús ningo omoñepyrũ vaʼekue pe rrelihión kristiána, ha heʼi: “Reínte oñemeʼẽ kuri peẽme, ha reínte pemeʼẽ vaʼerã avei” (Mateo 10:8, NM). Upéva heʼise ndovaleiha jakovra umi mbaʼe ñamboʼévare la Bíbliagui, ha enterovénte orekoha derécho oikuaávo.
¿Mbaʼéichapa yma umi kristiáno ypykue opaga vaʼekue umi gásto oĩva kongregasiónpe?
La Biblia heʼi: “Káda uno tomeʼẽ ipyʼapýpe odesidiháicha, anítei omeʼẽ tovapukúpe ni ojejopýgui chupe; Ñandejára ohayhúgui upe vyʼapópe omeʼẽvape” (2 Corintios 9:7, NM). Apóstol Pablo ojapo vaʼekue óga kárpa oñemantene hag̃ua (Hechos 18:2, 3). Haʼe heʼi: “Ropredikárõ guare peẽme umi marandu porã oñeʼẽva Ñandejárare, ára ha pyhare rombaʼapo ani hag̃ua peiko pepaga mbaʼeve orepytyvõ hag̃ua” (1 Tesalonicenses 2:9, NM).
¿MBAʼÉPA IKATU JAʼE TESTÍGO DE JEHOVÁRE?
Umi testígo de Jehová oñembyaty jepi peteĩ lugár isensillomívape, oñehenóiva Salón del Reino. Haʼekuéra arakaʼeve nombohasái mbaʼyru ojerure hag̃ua pláta, ni ndoguerahakái avavépe peteĩ sóvre omeʼẽ hag̃ua idonasión. Upéva rangue, entéro oagradeséva umi mbaʼe oaprendévare upe lugárpe, ikatu omoĩ ikontrivusión umi káha oñemoĩvape upearã upe Salónpe.
¿Mbaʼéichapa umi rrelihión opaga vaʼerã igásto?
Heta ningo ojegasta ikatu hag̃uáicha oñeimprimi ha ojerreparti ko rrevísta, péro arakaʼeve nderehechamoʼãi orekoha propagánda ni ojejerureha hese pláta. Ko rrevísta ojejapo ojekuaauka hag̃ua la Biblia omboʼéva.
¿Mbaʼépa nde repensa? ¿Ojapópa umi testígo de Jehová Jesús heʼi haguéicha? ¿Osegípa umi kristiáno ypykue ehémplo?
^ párr. 2 Oñekambia herakuéra.
