Oho mboyve yvágape áño 33-pe, Cristo opromete kuri ou jeytaha. Upérõ haʼe oñembojoja peteĩ kuimbaʼe osẽvare oho mombyry tetã ambuépe oiko hag̃ua chugui rréi, ha upéi ou jey hag̃ua. Jesús ou jeýta omoĩ hag̃ua peteĩ goviérno ijojahaʼỹva yvyporakuérape g̃uarã. (Elee Lucas 19:11, 12.)

¿Ha mbaʼéichapa oúta Cristo? ¿Oúta piko yvypóraicha, oúma haguéicha voi yma? Haʼe ningo oñemoingove jey rire oho kuri yvágape peteĩ espírituicha (1 Pedro 3:18). Upépe oguapy Ñandejára deréchape, ha tiémpo rire Jehová omeʼẽ chupe podér ogoverna hag̃ua yvyporakuérape (Salmo 110:1). Upéicharõ, Jesús oúta peteĩ rréicha, péro ndaikatumoʼãi jahecha chupe ndoumoʼãigui peteĩ yvypóraicha. (Elee Daniel 7:13, 14.)

Jesús ou jeýta umi ánhel ndive, ombojovake hag̃ua yvyporakuérape. Ohundíta umi hénte añáme, péro umi iñeʼẽrendu ha oñemoĩvape ipoguýpe, omeʼẽta oportunida oikove hag̃ua opa árare. (Elee Mateo 25:31-33, 46.)

Ojapóta ko yvýgui peteĩ hardín neporãva. Péro ndahaʼéi upéva añónte, avei omoingovéta hetaiterei tapicha omano vaʼekuépe, oiko hag̃ua opa árare ko yvy ape ári. (Elee Lucas 23:42, 43.)