Soŋɛ ho kɛleseriba la ti ba viisɛ bamea. Soke ho kɛleseriba la yelese’a n wan basɛ ti ba viisɛ bamea bisɛ.

Pɛɣɛ ba la ba putɛsonɛ la. Kpemese ho kɛleseriba la giila ti ba ti’isɛ bisɛ sɛla n sɔi ti ba tuna tunsoma. Soŋɛ ba ti ba tara putɛsonɛ n de wuu​—ba nɔŋɛ Yehowa, ba tadaandoma la Baabule pa’alegɔ la. Da yeen tɔɣera bɔ’ɔra ba ge sɔsɛ la ba ti ba bɔkɛ. Ho san bo ho yetɔɣum la ba’asɛ, da basɛ ti vi kɛ̃ ba ge tuɣum kpemese ba giila ti ba tum ba paŋa za’a.

Basɛ ti ba puti’irɛ bɔna Yehowa poan. Basɛ ti Baabule naresum yɛla niɛ peelum, Baabule kisa la n pa’ali Naayinɛ hala la, la eŋa n nɔŋɛ to se’em. Soŋɛ ho kɛleseriba la ti ba ni ti’isa Yehowa yele ge tuna a puti’irɛ n de se’em.