Paradiisi kan ana wuu teŋgɔŋɔ sɛka ti to bɔna nananawa. Naayinɛ ka boti ni ti teŋparɛ wa pirɛ ni la daaŋɔ, sunsa’aŋɔ, iŋduŋa la namesegɔ. La kan yue Naayinɛ wan tee teŋa wa ti ka dɛna paradiisi. Paradiisi wan ana la wani? To bisɛ Baabule la n yele se’em:

Nɛresondoma. Paradiisi wan dɛna Naayinɛ zɔdoma kɛ’a ze’a. Ba wan tuna tuunsoma bɔ’ɔra taaba. Ba bɔŋa wan ana wuu tontɔɔ Naayinɛ n boti se’em la.—Magaha 2:21.

Dia wan buge. Kom kan bɔna Paradiisi teŋa la poan. Baabule la yeti: “Bahɛ te dia buge teŋa la poan.”—Yooma 72:16.

Yɛasoma la tuunsoma. Paradiisi teŋa la poan, deodoma woo wan mɛ ba mea yɛa kɛ’ɛra. Nɛra woo wan tuna tuunsoma n tare pupeelum.—Isaiah 65:21-23.

 Suma’asum wan bɔna teŋgɔŋɔ wa poan. Nɛreba kanle zabɛ ku taaba. Naayinɛ Yetɔɣum yeti: “[Naayinɛ] teŋ parɛ wa zen’an woo, se’em ka le bɔta zaberɛ.”—Yooma 46:8, 9.

Imma’asum. Baabule la tɔɣɛ biŋɛ ti: “Nɛra kan bɔna [Paradiisi poan] yeti ‘a bɛn’ɛnre mɛ.’” (Isaiah 33:24) Le yɛ’ɛsa, wɔbese, fɔɔse la wase wan nyɛ tibegɔ.—Isaiah 35:5, 6.

Iŋduŋa, sunsa’aŋɔ, la kum wan mɛlum. Naayinɛ Yetɔɣum yeti: “Kum, la sunsagaŋɔ la kɛlega bii iŋduŋa ka maan bɔna. Yelekɛgɛhe la mɛlom ya.”—Liligere 21:4.

Potɔpa kanle bɔna. Yahowa tɔɣɛ biŋɛ ti: “Ge ba wan ŋma potɔpa la bahɛ, ge vɔn’ nɛre wuruba la ka poan.”—Magaha 2:22.

Nɛreba wan tara nɔŋerɛ la gilema bɔ’ɔra taaba. Punya’anɛ, mɛlesegɔ la ŋmɛlema tuuma kanle bɔna. Nɛreba wan naa taaba tara nɔyinɛ bɔna wuu tontɔɔ Naayinɛ n boti se’em la.—Isaiah 26:9.