ZASEŊƆ 06
Vom Yuun Pi’ilum La Wani?
“Vom ze’ele la [Naayinɛ] zɛ’an na.” (Yooma 36:9) Hon sakɛ bala? Nɛreba basɛba yeti naaŋɔdaana ka boi. La san dɛna bala, la pa’alɛ ti to yi kɔ’ɔn di’e me na bɔna. Ge Yehowa Naayinɛ san naam vom bu wan tara vuurɛ bii daɣɛ bala? a Geele bisɛ Baabule la n pa’alɛ vom n pi’ilum se’em ge baŋɛ sɛla n sɔi ti yɛm bɔna bim.
1. Naaŋɔ lɔɣɔrɔ woo yuun pi’ilum la wani?
Baabule la yeti: “Pi’ileŋo poan la, Naayinɛ yuun naam la saazuo la tinparɛ.” (Pin’ileŋɔ 1:1) Naaŋɔ lɔɣɔrɔ zamesegɔdoma zo’e zo’e sakɛ ti naaŋɔ lɔɣɔrɔ tari pi’ileŋo mɛ. Naayinɛ yuun pɔsɛ naaŋɔ la wani? A yuun dekɛ la a “paŋa la” n de a zilam vo’osum la naam sɛla woo n boi la ŋmarebi tuɣurɔ la ŋmarebɛa la planets.—Pin’ileŋɔ 1:2.
2. Beni n sɔi ti Naayinɛ yuun naam tinparɛ wa?
Yehowa yuun “ka naam [tinparɛ la] basɛ yoo ge a naam ku mɛ ti nɛreba bɔna bim.” (Isaiah 45:18) A yuun maalɛ tinparɛ wa soŋa soŋa bo la tomam ti to bɔna bim daarewoo. (Kaalɛ Isaiah 40:28; 42:5.) Naaŋɔ lɔɣɔrɔ zamesegɔ yɛla pa’alɛ ti tinparɛ wa boi la ka tɔka. Tinparɛ wa poan ma’a ti nɛresaaleba wan ta’an bɔna bim.
3. Bem n basɛ ti nɛresaaleba la dusi bɔna to’ore to’ore?
Yehowa n yuun naam tinparɛ la ba’asɛ la, a yuun naam la bunvɔɔsi eŋɛ bim. Yia la, a yuun naam la tiisi la sɛla n buli la dusi basɛ tinparɛ wa zuo. Pooren, ti “Naayinɛ nyaa naam asaala a wɔ̃ni poan.” (Kaalɛ Pin’ileŋɔ 1:27.) Beni n basɛ ti nɛresaaleba bɔna ba to’ore? Naayinɛ n naam tɔ a wɔ̃sum poan la zuo, to ta’an tara a hala n de wuu nɔŋerɛ la tontɔɔ gãkerɛ. A naam to mɛ ti to kelum ta’an zamesa yetɔɣum, mina guleŋɔ n ani soŋa se’em ge wuna yuuma nyɛlum. Tomam ta’an pu’usa to Naaŋɔdaana la ge dusi kan ta’an eŋɛ bala.
VIISƐ PA’ASƐ
Geele yelese’a n basɛ ti la niɛ peelum ti Naayinɛ naam vom mɛ ge ti yɛm bɔna bim la Baabule la n tɔɣɛ naaŋɔ yɛla se’em la. Zamesɛ baŋɛ nɛresaaleba n tari halese’a la n pa’alɛ tɔ Naayinɛ n ani se’em.
4. Naayinɛ n yuun naam vom
Nɛresaaleba san tɔɣesɛ naaŋɔ lɔɣɔrɔ maalɛ sɛla, nɛreba n ni pɛ̃ɣɛ ba. Bala la, to nari ti to pɛ̃ɣɛ la ani to san bisa naaŋɔ lɔɣɔrɔ? Ŋmɛ VIDIYO la ge nyaa sɔsɛ sokere wa:
-
Nɛresaaleba lɔɣemaaleba nyaŋɛ tɔɣesɛ naaŋɔ lɔɣɔrɔ maalɛ la bem?
Yire woo nɛra n ni sɔ̃ɛ na’arɛ ge ti ba mɛ. Ge ani n naam sɛla woo n boi wa? Kaalɛ Hebru 3:4 ge nyaa sɔsɛ sokere ana wa:
-
Tinparɛ wa zuo, naaŋɔ lɔɣetuni n kɛ̃ hon suure?
-
Yɛm boi bim ti to sakɛ ti naaŋɔdaana n naam sɛla woo? Bem zuo?
Hon mi?
Ho ta’an nyɛ zaseŋɔ yɛla la vidiyodoma zo’e zo’e jw.org poan ti la dɛna, “Ba Naam Ku Mɛ?” la “Nɛreba N Tɔɣɛ Vom N Piʼilum Seʼem.”
“Yelemɛŋɛrɛ, nɛra n mɛti yire ge se’em n naam sɛla woo dela Naayinɛ”
5. Yɛm boi bim la Baabule la n pa’alɛ naaŋɔ yɛla se’em la
Pin’ileŋɔ a zuo 1 poan, Baabule la pa’alɛ tinparɛ wa la vom n pi’ilum se’em. Hon sakɛ ya bii ku yeen dɛna la pumpɔreŋɔ yele? Ŋmɛ VIDIYO la ge nyaa sɔsɛ sokere ana wa:
-
Naayinɛ yuun sirum dekɛ la dameŋa ayoobe naam tinparɛ wa la vom?
-
Hon ti’isɛ ti Baabule la n tɔɣɛ naaŋɔ yɛla se’em la nari ge ti yɛm bɔna bim? Bem zuo?
Kaalɛ Pin’ileŋɔ 1:1 ge nyaa sɔsɛ sokere wa:
-
Naaŋɔ lɔɣɔrɔ zamesegɔdoma yeti, naaŋɔ lɔɣɔrɔ woo tari pi’ileŋo mɛ. Ba puti’irɛ wa makɛ la sɛla ti hon kaalɛ Baabule wa poan la wani?
Nɛreba basɛba ti’iseri ti Naayinɛ doose la lebege lebege poan naam bunvɔɔsi. Kaalɛ Pin’ileŋɔ 1:21, 25, 27 ge nyaa sɔsɛ sokere ana wa:
-
Baabule la pa’alɛ ti, Naayinɛ yuun naam la bunvɔpika ge nyaa basɛ dɛ ti de lebege ziho, dusi n dɔɣeri la nɛresaaleba? Bii a yuun naam bunvɔa woo “buuri” mɛ? b
6. Naayinɛ naam nɛresaaleba ti ba bɔna la ba to’ore
To ka ani woo dusi ti Yehowa naam la. Kaalɛ Pin’ileŋɔ 1:26 ge nyaa sɔsɛ sokere wa:
-
Naayinɛ n naam tɔ a wɔ̃sum poan ti to tara nɔŋerɛ la nimbɔzore se’em la pa’ali ti Naayinɛ ani la wani?
NƐREBA BASƐBA YETI: “Baabule la n pa’alɛ naaŋɔ yɛla se’em la dela pumpɔreŋɔ.”
-
Hon puti’irɛ dela deni? Bem zuo?
YELEKPINE
Yehowa n naam saazuo la tinparɛ wa la vom za’a.
Tiisegɔ Sokere
-
Baabule la pa’alɛ ti saazuo la tinparɛ wa pi’ilum la wani?
-
Naayinɛ yuun dekɛ la bunvɔpika basɛ ti de lebege bunvɔɔsi buuri woo bii a yuun naam ba mɛ?
-
Nɛresaaleba boi ba tɔka la wani?
Ɛ BISƐ
Zamesɛ baŋɛ naaŋɔ lɔɣɔrɔ la n ani soŋa se’em.
Bisɛ sɔ n pa’alɛ a dayɔa naaŋɔ yɛla se’em.
Geele bisɛ nyaa lebege lebege pa’alegɔ makɛ la Baabule pa’alegɔ.
“Naayinɛ Doose La Lebege Lebege Poan Naam Bunvɔɔsi?” (La boi jw.org)
Viisɛ bisɛ nyaa fossil record la bii naaŋɔ lɔɣɔrɔ zamesegɔ yɛla pa’alɛ ti Naayinɛ naam vom mɛ bii la yeen kɔ’ɔn di’e me na.
Vom N Pi’ilum Se’em—Sokere Anuu Ti La Nara Ti Ho Baŋɛ (gɔnlɛmlɛm)
Ho Me Ta'an Bɔta Yele Ana
SOKESE’A TI NƐREBA SƆKERA
Bem Baabule Zamesegɔ N Bala Ti Yehowa Sɛɛradoma Ita La Nɛreba?
Hon la Yehowa Sɛɛradoma san zamesa Baabule la, ho ta’an tara homea Baabule la kaala, zamesegɔ la poan. Ho ta’an yele ho yire nɛreba za’a la ho zɔdoma ti ba laɣum kelese zamesegɔ la.
