Naayinɛ Yetɔɣum la kɔ’ɔn soŋera to mɛ ti to ta’an ŋmibera yeledaaŋɔ zo’e zo’e ba’asegɔ dabesa wa poan. (2Ti 3:1, 16, 17) Ge saŋa ase’a, la yele ni pakɛ mɛ ti to ɛ Baabule naresum yɛla n wan ta’an soŋɛ tɔ to bɔŋa la poan. Makerɛ, hon dela dɔɣera n eeri ka’aŋɔ ti la soŋɛ hɔ ti ho ta’an ugera ho kɔma? Hon dela bunbilipaalega ti gurebisɛ paara hɔ ho sakerɛ la zuo? Hon dela dakɔɔrɛ bii pɔkɔɔrɛ ti ho suure sa’am la ho luɣerɛ kpɛ’a n ki la? Ho san bisɛ jw.org poan, ho wan nyɛ Baabule naresum yelese’a n wan soŋɛ hɔ yele aŋa la yɛla ase’a me poan.​—Mag 2:3-6.

Bisɛ jw.org pɔsega bɔberɛ la ge di’e BAABULE PA’ALEGƆ. (Bisɛ foote 1.) Yelese’a n tigese bɔna bim la, loe hon boti sɛla. Bii di’e GƆNƆ ZAALEŊA > ZASEŊƆ YƐLA ge nyaa loe hon boti sɛla. (Bisɛ foote 2.) Ho wan nyɛ bɔberɛ ana wa mea nɔɔ JW Library^® poan. a Ho ta’an yeen bisera zaseŋɔ yelese’a n boi bɔberɛ ana wa poan la. Ho me ta’an gulesɛ sɛla eŋɛ ɛ bɔberɛ la n boi jw.org la ee yelezure sɛka ti ho bɔta.

Gulesɛ yelezura ana wa eŋɛ ɛ bɔberɛ la ge nyaa gulesɛ zaseŋɔ yelese’a ti ho wan bɔta ti ho kaalɛ.

• Ugera kɔma

• Bunbilipaalesi putɛdaaŋɔ yɛla

• Ho luɣerɛ kpɛ’a n ki