Beni n sɔi ti nɛreba basɛba yeti Yooma 12:7 tɔɣeri la ‘Naayinɛ yetɔɣum’ yele (kaalegɔ zɛ’an 6) ge ti New World Translation la yeti la tɔɣeri la ‘tarumdoma la’ yele (kaalegɔ zɛ’an 5)?

Kaalegɔ zɛ’ɛsi wa basɛ ti la niɛ peelumi ti la tɔɣeri la nɛreba yele.

Yooma 12:​1-4 yeti ‘Birikindoma ka le bɔna asaala zɛ’an.’ David le tɔɣɛ ti la bɔna Yooma 12:​5-7 yeti:

A kaalegɔ zɛ’an 5 pa’ali la sɛla ti Naayinɛ wan eŋɛ bo ‘tarumdoma.’ A wan faaɛ ba basɛ.

A kaalegɔ zɛ’an 6 me yeti ‘Naayinɛ yetɔɣum dela tontɔɔ, wuu salema ti ba nyɛlegɛ bugum poan.’ Yetɔɣebuna wa pa’ali la Kristakɔma n geele Yehowa yetɔɣum se’em ba suuren.—Ym. 18:30; 119:140.

Nananawa, bisɛ Yooma 12:7. Bilam yeti: ‘Naayinɛ n faaɛ ba yelebe’etiba wa nu’usin basɛ. Gura ba nananawa kɔ’ɔn yɛ’ɛsa.’ Bani n de ‘ba’ la ti kaalegɔ zɛ’an wa tɔɣera ba yele la?

A kaalegɔ zɛ’an buyoobe tɔɣɛ la ‘Naayinɛ yetɔɣum’ la yele, bala basɛ ti nɛreba ti’isɛ ti a kaalegɔ zɛ’an 7 n yeti ‘ba’ la tɔɣeri la Naayinɛ yele. To mi ti Naayinɛ yuun te’ele Baabule la mɛ, hali se’em ma’a ti nɛreba yuun tiregera ti ba sa’am ku la.—Isa. 40:8; 1 Pe. 1:25.

Ge la dela yelemɛŋɛrɛ ti Naayinɛ gu’uri a nɛreba mɛ wuu a kaalegɔ zɛ’an 5 n yele se’em la. Yehowa wan kelum soŋera ‘tarumdoma,’ la ‘sɛba ti ba namesa ba la.’—Yob 36:15; Ym. 6:4; 31:​1, 2; 54:7; 145:20.

Bala la, bani n de ‘ba’ la ti a kaalegɔ zɛ’an 7 tɔɣera ba yele la?

To san bisɛ kaalegɔ zɛ’ɛsi wa soŋa, to wan baŋɛ ti yelebire la n de ‘ba’ la ze’ele bo la nɛreba.

Yooma 12:1 poan, David tɔɣeri la ‘birikindoma’ ti putɔpa parena yɛla bɔ’ɔra ba la yele. Leyɛ’ɛsa, la yeti Yehowa wan sa’am nɛresɛba n tɔɣeri yelese’a n ka nari la. Kaalegɔ zɛ’ɛsi wa basɛ ti to baŋɛ ti to ta’an dekɛ tomea delum Naayinɛ ti a faaɛ a nɛreba basɛ, se’ere n sɔi la a yetɔɣum dela yelemɛŋɛrɛ.

Bala la, a kaalegɔ zɛ’an 7 boti la yeti Yehowa wan gu bii te’ele a nɛreba la ti putɔpa daana ‘ba’ la.

Hebrew Masoretic gulesegɔ la me dekɛ la yelebire la n de ‘ba’ la tum tuuma. Greek Septuagint la poan, a kaalegɔ zɛ’an 7 dekɛ la yelebire la n de ‘to’ tum tuuma sugumnɔɔrɛ buyi, ti la pa’alɛ ti ‘to’ la ze’ele bo la birikindoma la ti daaŋɔ paara ba la. Ki’ileŋɔ yele la dela, a kaalegɔ zɛ’an 7 yeti Naayinɛ wan te’ele birikindoma ‘la ayima ayima’ ‘yelebe’etiba’ nu’usin. (Ym. 12:​7, 8) Hebru Gulesegɔ la ti ba lerege keŋɛ Aramaik yetɔɣum poan la, a kaalegɔ zɛ’an 7 pɔsega bɔberɛ la yeti: “O n Daana, ho wan te’ele tontɔɔdoma la, ho wan gu ba putɔpa wa nu’usin basɛ.’ Kaalegɔ zɛ’an wa le basɛ ti la niɛ peelumi ti Yooma 12:7 ka tɔɣeri Naayinɛ yelesum la yele.

Bala la, kaalegɔ zɛ’an wa basɛ ti ‘birikindoma’ tara la puti’irɛ ti Naayinɛ wan soŋɛ ba.