Nɛreba fii n tari halesoma. Bã’adoma nyaberi dɔgetadoma mɛ; nɛreba n da’ari dia ni toora sɛba n kooseri la mɛ; sɛba n zoni alopele ni toora sɛba n soŋeri ba mɛ; kɔnyaalesi ni ɛ̃regera, vuusa ge zabera la ba tikiyadoma; nalɛɣereba basɛba kɛ̃ la tungaasa poan ge ti basɛba me pa’ala sɛla ti bamam ti’isa ti la nari.

 Baabule la dela gɔnsoŋɔ n pa’ali ton wan tara halesoma se’em. Ku me le tɔɣera pa’ala sɛla n sɔi ti nɛreba ka tara halɛ zina beere wa.

 Nɛreba ka le ba’ɛ tara halesoma la sarum soŋɔ tingɔŋɔ wa za’a poan.

•   Ba eŋɛ la viisegɔ baŋɛ ti Amerika tiŋa nɛreba sareŋɔ sigese la tiŋa gana yuun 22 n tole.

•   Ba eŋɛ la viisegɔ tisi 28 poan baŋɛ ti nɛreba 32,000 poan, 20,800 n ka tari halɛ. Wana gani yuunse’a n tole la.

 Baabule la tɔɣɛ pa’alɛ nɛreba n wan tara halese’a zina beere wa.

•   “Teŋa ba’ahegɔ dabeha la han ta pɔnra, la wan kpe’em bo nɛreba. Se’ere n sɔe la, toonbe’erodoma wan nɔŋɛ la ba mɛhe la ligiri ma’an. Ba wan ŋmɛ’ɛra ba nyɔn’nrɔ ge toora nɛreba, ka nana ba dɔgɔreba, bii ba tara popeelom la sɛla te nɛra se’em bo ba, . . .  ba ka tare nɛra giinle [ge] dɛna zabzabereba.”—2 Timoti 3:1-3.

 Ho san bɔta ti ho baŋɛ yetɔɣebiŋ’a wa n tuni tuuma se’em, kaalɛ zaseŋɔ yele la zuo n de “Did the Bible Predict the Way People Think and Act Today?”

 Tingɔŋɔ wa poan ti nɛreba ka ba’ɛ tara halesoma la, nɛreba zo’e zo’e baŋɛ ti Baabule la dela gɔŋɔ n di mi’a n wan ta’an soŋɛ ba ti ba tara halesoma. A ka’aŋɔ la “ze la kaŋkaŋe ka malom tara ba’ahegɔ.” (Yooma 111:8) Geele ka’aŋɔ wa ase’a bisɛ:

•   Baabule la n yele sɛla: “Hon bote nɛreba eta sɛla bɔ’ɔra hɔ la, eta bala me bɔ’ɔra ba.”—Matu 7:12.

   La vuurɛ: La nari ti to ita nɛreba som ge bɔ’ɔra ba gilema wuu ton boti ba ita to se’em la.

•   Baabule la n yele sɛla: “Da le parone ya. Nɛra woo yɛta yelemɛŋɛrɛ bɔ’ɔra a sɔɔn.”—Epesus 4:25.

   La vuurɛ: La nari ti to tara yelemɛŋɛrɛ to yetɔɣum la to itigɔ poan.

 Ho san bɔta ti ho nyɛ yɛla pa’asɛ, kaalɛ:

•   The Watchtower la zuo n de “Right and Wrong—A Guide You Can Trust.”

•   Zaseŋɔ yele la zuo n de “Tolerance—How the Bible Can Help.”