KƆ’ƆN PIGERA!
Baabule La Yeti Bem La Nalɛɣerɛ Yɛla N Ta’asɛ Ti Gbiri Gbiri Bɔna La?
Nalɛɣerɛ yɛla basɛ ti gbiri gbiri bɔna la zɛ’an woo tingɔŋɔ wa poan.
Mexico tiŋa poan, yuun 2023 ta paɛ 2024 la, nalɛɣerɛdoma n ze’ele ti ba di’e nu’o bo ba la, ba poan 39 ti nɛreba ku ba. Nalɛɣerɛ yɛla ase’a yuun basɛ ti gbiri gbiri n bɔna ti yɛla yuun ka keŋɛ soŋa voting saŋa la.
Dabesa ana wa, nalɛɣerɛ yɛla basɛ ti gbiri gbiri n bɔna Europe tisi poan. Slovakia tiŋa poan, nɛreba n yuun zɛɣeri ti ba ku prime minister la May 15, 2024 poan.
United States tiŋa poan, July 13, 2024 la, ba daa zɛɣeri ti ba ku la Donald Trump n tabelɛ dɛna president la ti dabeem saaɛ nɛreba.
Beni n sɔi ti nalɛɣerɛ yɛla basɛ ti gbiri gbiri bɔna bala? La wan ki’ilum? Baabule la yeti bem?
Baabule la tɔɣɛ nalɛɣerɛ yɛla n wan basɛ ti yelesego bɔna se’em
Baabule la yeti tomam saŋa wa ti to mina ti la dela “ba’ahegɔ dabeha la,” nɛreba zo’e zo’e wan tara halese’a n wan basɛ ti gbiri gbiri la nɔkpɛ’ɛma bɔna.
“Ba’ahegɔ dabeha la han ta pɔnra, la wan kpe’em bo nɛreba. Se’ere n sɔe la, toonbe’erodoma [kan] . . . tara popeelom la sɛla te nɛra se’em bo ba, ka zɔta Na’ayenɛ, . . . [ka tara nɔyinɛ], . . . dɛna zabzabereba. . . . Ba ŋma’anre la nɛreba ge me tona pototooma ge me kɔ’ɔn pa’ala ba mɛhe.”—2 Timoti 3:1-4.
Baabule la le tɔɣɛ biŋe ti tomam saŋa wa nɛreba wan ita kpenkpasi la gɔmɛtdoma ti nalɛɣerɛ gbiri gbiri me bɔna. (Luke 21:9) Ge nalɛɣerɛ gbiri gbiri, la yelesego kan bɔna bala wuusa.
Nalɛɣerɛ gbiri gbiri kan le bɔna
Baabule la yeti Naayinɛ wan dekɛ a saazuo gɔmɛt la tee soe asaala gɔmɛt woo.
“Saazuo Yenɛ wa wan sɛ sɔ’ɔlom te bo . . . wan sagom sɔ’ɔlom woo n boe, ge zɛ’a ka tara ba’ahegɔ.”—Daniel 2:44.
Naayinɛ Na’am la wan basɛ ti nɔyinɛ la suma’asum bɔna tingɔŋɔ wa za’a poan.
Yezu Krista n de na’am la bisegadaana ti ba yi’ira en “Sunma’ahom Nabia” la, wan basɛ ti ‘sunma’ahom pa’ahera la bala ka tara tɛka.’—Isaiah 9:6, 7.
Hali la nananawa, a nɛreba la biseri la ban wan eŋɛ se’em tara suma’asum. Bala n sɔi ti Baabule la yeti: “Ba wan vaɛ ba zaba so’ahe la kana tee kure kunya la leehe, ge dekɛ ba zaba kana kure kɛɛrehe. Teŋa kan le tɛn pɛɛma la ka tadaana.”—Isaiah 2:3, 4.
Ho san bɔta ti ho zamesɛ yɛla pa’asɛ, kaalɛ zaseŋɔ yele la zuo n de “What Will God’s Kingdom Accomplish?” ge bisɛ vidiyo la zuo n de Naayinɛ Na’am La Dela Bem?
Ho Me Ta'an Bɔta Yele Ana
KƆ’ƆN PIGERA!
Nɛreba Ka Le Dekɛ Bamea Delum Nalɛɣereba—Baabule La Yeti Bem?
Baabule la yele to yeti to bisa tomea soŋa la ton dekɛ tomea delum nɛresɛba. Ku le pa’alɛ to la se’emdaana n wan ta’an basɛ ti to beere ana soŋa.
KƆ’ƆN PIGERA!
Beni N Sɔi Ti Nalɛɣerɛ Yɛla Basɛ Ti Yelesego Ba’ɛ Bɔna Bala?—Baabule La Yeti Bem?
Tingɔŋɔ wa zɛ’an woo, nalɛɣerɛ yɛla basɛ ti nɛreba yɛlesa la taaba. Baabule la pa’alɛ sɛla n wan ta’an maalɛ yele la—la dela bisegadaana n wan ta’an basɛ ti nɛra woo tara nɔyinɛ.
