Owalọ lẹ 28:1-31
28 To whenue mí ko lùn owù lọ tọ́n godo, mí wá sè dọ lopo lọ nọ yin Malita.+
2 Jonọgbè-dótọ* lọ lẹ sọ do homẹdagbe vonọtaun hia mí.* Yé flọ miyọ́n bo yí mímẹpo to aliho he jọmẹ tlala mẹ, na jikun to jijà podọ na fifá tin wutu.
3 Ṣigba, to whenue Paulu bẹ nake delẹ pli bo bẹ yé do miyọ́n lọ mẹ, amàpoe de tọ́n na yozò lọ wutu bo tẹdo alọ etọn go bosọ hẹ̀nadu i.
4 To whenue jonọgbè-dótọ lọ lẹ mọdọ odàn adínọ tẹdo alọ etọn go, yé jẹ didọna ode awetọ ji dọmọ: “Na nugbo tọn, hlọnhutọ de wẹ dawe ehe, podọ dile etlẹ yindọ e luntọ́n sọn hùmẹ, Whẹdida Dodo* ma na ẹn dotẹnmẹ nado nọgbẹ̀.”
5 Ṣigba, e mimí odàn lọ dlan miyọ́n mẹ bo masọ mọ awufiẹsa depope.
6 Ṣigba, yé to nukundo dọ e na jí kavi na họ́jai bo kú to ajiji mẹ. To whenue yé ko nọte dẹn bo mọdọ nuylankan depope ma jọ do e go, yé diọ linlẹn yetọn bo jẹ didọ ji dọ yẹwhe de wẹ ewọ.
7 Todin, to lẹdo enẹ mẹ, dawe nukundeji lopo lọ tọn he nọ yin Publiu tindo aigba lẹ, ewọ sọ yí gbigbọ johẹmẹ tọn do yí mí bosọ do homẹdagbe hia mí na azán atọ̀n.
8 Todin, otọ́ Publiu tọn to aimimlọn to adọzan ji bọ agbasa-hùnmiyọ́n po zẹntin po to tuklado e, Paulu sọ biọ họmẹ yì e dè bo hodẹ̀ bosọ ze alọ etọn lẹ do e ji bo hẹnazọ̀ngbọna ẹn.+
9 To whenue ehe ko jọ godo, mẹhe pò to lopo lọ ji bo to azọ̀njẹ lẹ lọsu jẹ e dè wá ji bosọ yin azọ̀nhẹngbọna.+
10 Yé sọ doyẹyigona mí ga po nunina susu po, podọ to whenue mí jlo na súnhún, yé doagban nuhe sin nuhudo mí tindo lẹpo tọn na mí.
11 To osun atọ̀n godo, mí do tọjihun de he tindo ohia lọ “Visunnu Zeus tọn lẹ”* to nukọn. Tọjihun lọ tọ́n sọn Alẹkzandli bo ko yí ojlẹ avivọ-whenu tọn zan to lopo lọ ji.
12 To whenue mí glinhún do húnglintẹn Silakusi tọn, mí gbọṣi finẹ na azán atọ̀n;
13 mí tọ́n sọn finẹ bo jẹ Legiumi. To azán dopo godo, jẹhọn hùwaji tọn de fọ́n, mí sọ jẹ Puteoli to azán awetọ gbè.
14 To finẹ, mí mọ mẹmẹsunnu lẹ, yé sọ vẹ̀ mí nado gbọṣi yé dè na azán ṣinawe, enẹgodo mí dedo Lomu.
15 To whenue mẹmẹsunnu lẹ sè linlin gando mí go sọn finẹ, yé wá kaka Ahi Apiu tọn mẹ podọ Avàtẹn Atọ̀n lẹ nado pé mí. To whenue Paulu mọ yé, e dopẹna Jiwheyẹwhe bo mọ adọgbigbo yí.+
16 To godo mẹ, to whenue mí biọ Lomu, Paulu yin dotẹnmẹna nado nọ ovò po awhànfuntọ he to ṣiṣọ́ ẹ lọ po.
17 Ṣigba, to azán atọ̀n godo, e ylọ omẹ nukundeji Ju lẹ tọn lẹ pli dopọ. To whenue yé ko pli, e dọna yé dọmọ: “Mì mẹmẹsunnu lẹ emi, dile etlẹ yindọ yẹn ma wà nudepope jẹagọdo gbẹtọ lẹ kavi do aṣa tọgbo mítọn lẹ tọn go,+ yẹn yin zizejo taidi gàntọ de sọn Jelusalẹm do alọ Lomunu lẹ tọn mẹ.+
18 Podọ, to whenue yé ko dindona mi godo,+ yé jlo nado tún mi dote, na dodonu depope ma tin he hẹn mi jẹna okú.+
19 Amọ́, to whenue Ju lẹ jẹagọdo ehe, yẹn mọdọ e yin dandan nado vọ́ owhẹ̀ ylọ to Sesali dè,+ ṣigba e ma yindọ na yẹn tindo owhẹ̀ depope nado sadokọna akọta ṣie wutu wẹ gba.
20 Ehe wẹ zọ́n bọ yẹn basi obiọ nado mọ mì bo dọho hẹ mì, na todido Islaeli tọn wutu wẹ yẹn do tin to gẹdẹ ehe mẹ.”+
21 Yé dọna ẹn dọmọ: “Míwlẹ ma mọ wekanhlanmẹ lẹ yí gando gowe sọn Jude, mọjanwẹ depope to mẹmẹsunnu he wá sọn dọ́n lẹ mẹ ma na linlin kavi dọ nuylankan depope do gowe do niyẹn.
22 Ṣigba, mí mọdọ e jẹ nado dotoaina linlẹn towe lẹ, na nugbo tọn, gando sinsẹ̀n klandovo ehe go,+ mí yọnẹn dọ filẹpo wẹ yè to homọdọdego te.”+
23 Todin, yé kọngbedopọ do azán de ji nado wá e dè, yé sọ wá e dè to fihe e nọ nọ̀ lọ bo sù hugan dai tọn. Podọ sọn afọnnu kakajẹ whèjai, e basi zẹẹmẹ whẹho lọ tọn na yé gbọn kunnudide mlẹnmlẹn gando Ahọluduta Jiwheyẹwhe tọn go dali nado diọlinlẹnna yé gando Jesu go,+ sọn Osẹ́n Mose tọn+ po owe Yẹwhegán lẹ tọn po mẹ.+
24 Mẹdelẹ sọ jẹ nuhe dọ e te lẹ yise ji; mẹdevo lẹ ma yise.
25 Enẹwutu, na yé ma kọngbedopọ hẹ ode awetọ wutu, yé jẹ yìyì ji, Paulu sọ dọmọ:
“Gbọn gbesisọ dali, gbigbọ wiwe dọ gbọn yẹwhegán Isaia dali hlan tọgbo mìtọn lẹ
26 dọ, ‘Yì omẹ ehelẹ dè bo dọmọ: “Na nugbo tọn, mìwlẹ na sè, ṣigba mì ma na mọnukunnujẹemẹ to aliho depope mẹ, podọ na nugbo tọn, mìwlẹ na pọ́n, ṣigba mì ma na mọ to aliho depope mẹ.+
27 Na ahun omẹ ehelẹ tọn ko sinyẹn, podọ yé ko yí otó yetọn lẹ do sè ṣogan bo ma yinuwa, podọ yé ko miọn nukun yetọn lẹ, na yé ma nado yí nukun yetọn lẹ do mọnú bo yí otó yetọn lẹ do sènu bosọ yí ahun yetọn lẹ do mọnukunnujẹemẹ gbede, na yé nikaa lẹkọ bọ yẹn nado hẹnazọ̀ngbọna yé.”’+
28 Enẹwutu, mì gbọ e ni yin yinyọnẹn na mì dọ whlẹngán he wá sọn Jiwheyẹwhe dè ehe ko yin didohlan akọta lẹ;+ na nugbo tọn, yé na dotoaina ẹn.”+
29 *——
30 Enẹwutu, e gbọṣi finẹ to ohọ̀ he ewọ lọsu haya mẹ+ na owhe awe blebu, e sọ nọ do homẹdagbe hia mẹhe wá e dè lẹpo
31 bo nọ to yẹwheho Ahọluduta Jiwheyẹwhe tọn dọ hlan yé bosọ nọ to nuplọnmẹ gando Oklunọ Jesu Klisti go po awuvivo hodidọ tọn* daho tlala po,+ matin aliglọnnamẹ.
Nudọnamẹ Odò Tọn
^ Kavi “Mẹhe nọ nọ̀ finẹ.”
^ Kavi “sọ jọmẹ hẹ mí taun.”
^ Glẹki, Dike, vlavo nado dlẹnalọdo yẹwhe-yọnnu he nọ yiavùnlọna whẹdida dodo kavi nado dlẹnalọdo linlẹn whẹdida dodo tọn to paa mẹ.
^ Enẹ wẹ, Castor po Pollux po he yin ahoho.
^ Kavi “adọgbigbo.”
