Salmu 6:1-10
Na anademẹtọ hànjitọ lẹ tọn; ni yin jiji po hànjinu okànnọ lẹ po sọgbe hẹ nuhiho Ṣeminiti tọn.* Ohàn Davidi tọn.
6 Jehovah E, a wọhẹ mi to homẹgble towe mẹ blo,A sọ domẹplọnlọ go e to adi towe mẹ blo.+
2 Do nukundagbe* hia mi, Jehovah E, na huhlọn to vivọ̀ do mi.
Gbọazọ̀nna mi, Jehovah E,+ na ohú ṣie lẹ to sisọsisọ.
3 Mọwẹ, yẹn* tin to bẹwlu sinsinyẹn mẹ,+Jehovah E, yẹn to kinkanse we dọ—nawẹ e na dẹnsọ?+
4 Lẹkọwa whlẹn mi,* Jehovah E;+Whlẹn mi gán, na owanyi nugbo towe wutu.+
5 Na oṣiọ lẹ ma nọ dọho gando gowe;*Mẹnu wẹ na pà we to Yọdò* mẹ?+
6 Azọ̀nwinwẹn ṣie ko hẹn nuṣikọna mi;+Yẹn nọ yí dasin do yọ̀n akanma ṣie to ozán blebu mẹ;Yẹn sọ nọ yí avi do hẹn adọzan ṣie gọ́ na dasin.+
7 Awubla ko hẹn nukun ṣie dózin;+E ko súzín, na mẹhe to ogbé ṣie yàn lẹpo wutu.
8 Mì tọ́n sọn dè e, mì mẹhe nọ yinuwa po kanyinylan po lẹpo,Na Jehovah na sè avigbè ṣie.+
9 Jehovah na sè obiọ ṣie na nukundagbe;+Jehovah na siọ odẹ̀ ṣie.
10 Kẹntọ ṣie lẹpo wẹ na duwinyan bo jẹflumẹ;Winyan na hù yé to ajiji mẹ bọ yé na gọ̀dogodo.+
Nudọnamẹ Odò Tọn
^ Kavi “lẹblanu.”
^ Kavi “alindọn ṣie.”
^ Kavi “alindọn ṣie.”
^ Kavi “nọ flin we.”
