Isaia 48:1-22
48 Sè ehe, hiẹ owhé Jakọbu tọn E,Mì mẹhe nọ yí oyín Islaeli tọn do ylọ mìdePodọ mì mẹhe wá sọn asisa* Juda tọn mẹ lẹ,+Yèdọ mì mẹhe nọ yí oyín Jehovah tọn do whlé+
Bosọ nọ dawhá ylọ Jiwheyẹwhe Islaeli tọn,Ṣigba, e ma yin to nugbo po dodowiwa po mẹ.+
2 Na yé nọ ylọ yedelẹ dọ tòmẹnu tòdaho wiwe lọ tọn lẹ+
Bo nọ dín alọgọ Jiwheyẹwhe Islaeli tọn lọ tọn,+Mẹhe nọ yin Jehovah awhànpa lẹ tọn.
3 “Onú hoho* tọn lẹ wẹ yẹn ko dọna we sọn whenu dindẹn die.
Onù ṣie titi mẹ wẹ yé tọ́njẹgbonu sọn,Yẹn wẹ sọ hẹn yé zun yinyọnẹn.+
Yẹn yinuwa to ajiji mẹ, bọ yé yin hinhẹndi.+
4 Na yẹn yọ́n lehe hiẹ yin tasinyẹntọ do
—Dọ okọ̀ towe taidi gànkàn bọ ota towe nukọn taidi gànvẹẹ+—
5 Yẹn ko dọna we sọn whenu dindẹn die.
Whẹpo e do jọ wẹ yẹn ko hẹn we nado sè e,Na hiẹ nikaa dọ dọ, ‘Boṣiọ ṣie wẹ basi ehe;Boṣiọ pipà ṣie po boṣiọ kinkọ̀n ṣie po wẹ degbe ehe tọn.’
6 Hiẹ ko sè bo ko sọ mọ onú ehe lẹpo.
Be hiẹ ma na lá ẹ wẹ ya?+
Onú yọyọ lẹ wẹ yẹn to lilá na we bẹsọn din,+Yèdọ aṣli he yin sisẹdo lẹ he hiẹ ma ko yọnẹn dai.
7 Din janwẹ yé to yinyin bibasi, e ma yin sọn whenu dindẹn die,Yèdọ nuhe hiẹ ma ko sè pọ́n gbede jẹnukọnna egbehe,Na hiẹ nikaa dọ dọ, ‘Pọ́n! Yẹn ko yọ́n yé dai.’
8 Lala, a ma ko sè pọ́n,+ mọ a ma ko yọ́n yé dai,Podọ otó towe lẹ ma ko hùn to ojlẹ de mẹ wayi.
Na yẹn yọnẹn dọ mẹklọtọ daho de wẹ hiẹ,+Podọ sọn jiji whenu gbọ́n wẹ hiẹ ko yin yiylọdọ sẹ́nhẹngbatọ de.+
9 Ṣigba, na oyín ṣie tọn wutu, yẹn na hẹnalọdotena homẹgble ṣie;+Na pipà ṣie tọn wutu, yẹn na dava dee ma nado yinuwa sọta we,Podọ yẹn ma na de we sẹ̀ sọn aimẹ.+
10 Pọ́n! Yẹn ko klọ́ we wé, ṣigba e ma yin taidi fataka gba.+
N’ko whlé we pọ́n* to zòhọ gànkọ̀ntọ tọn he yin yasanamẹ tọn lọ mẹ.+
11 Na oyín ṣie tọn wutu, yẹn na yinuwa, yèdọ na oyín ṣie tọn wutu,+Na naegbọn yẹn na dike bọ oyín ṣie na yin hinhẹnflu?+
Yẹn ma na jo gigo ṣie na* mẹdevo depope.
12 Dotoaina mi, hiẹ Jakọbu E, podọ hiẹ Islaeli, mẹhe yẹn ko ylọ.
Yẹn Mẹdopolọ janwẹ.+ Yẹn wẹ omẹ tintan; yẹn sọ wẹ omẹ godo tọn.+
13 Alọ ṣie wẹ do dodonu aigba tọn ai,+Podọ adusilọ ṣie wẹ dlẹn olọn lẹ jẹgbonu.+
Eyin n’ylọ yé, yé nọ fọnṣite dopọ.
14 Mìmẹpo ni bẹ mìde pli dopọ bo dotoai.
Mẹnu to yé mẹ wẹ lá onú ehelẹ?
Jehovah yiwanna ẹn.+
Ewọ na hẹn ojlo etọn di sọta Babilọni,+Awà etọn nasọ wá Kaldeanu lẹ ji.+
15 Yẹn ko dọho, n’ko sọ ylọ ẹ.+
Yẹn ko hẹn ẹn wá, podọ aliho etọn na tindo kọdetọn dagbe.+
16 Mì sẹpọ mi bo wá sè ehe.
Yẹn ma ko dọho to nuglọ sọn bẹjẹeji.+
Yẹn tin to finẹ sọn whenue e jọ.”
Podọ todin, Oklunọ Nupojipetọ Jehovah ko do mi hlan po gbigbọ etọn po.
17 Nuhe Jehovah, yèdọ Mẹflitọ towe, Omẹ Wiwe Islaeli tọn lọ dọ die:+
“Yẹn Jehovah wẹ Jiwheyẹwhe towe,Mẹhe nọ plọn we nado zan gbẹzan he na hẹn ale wá na we,*+Mẹhe nọ deanana we to aliho he ji hiẹ dona zinzọnlin gbọn.+
18 Eyin hiẹ na yìn gbedide ṣie lẹ wẹ!+
To whenẹnu, jijọho towe na wá taidi tọ̀sisa de+Bọ dodowiwa towe na wá taidi agbówhẹn ohù tọn lẹ.+
19 Kúnkan* towe na wá sù taidi tọkẹ́n lẹPodọ ovi towe lẹ taidi yẹnkẹn lẹ.+
Oyín yetọn ma na yin sinsánsẹ kavi yin súnsúnsún sẹ̀ sọn nukọn ṣie gbede.”
20 Mì tọ́n sọn Babilọni!+
Mì họ̀n sọn Kaldeanu lẹ dè!
Mì yí awhágbe ayajẹ tọn do lá ẹ! Mì lá ẹ!+
Mì hẹn ẹn zun yinyọnẹn kakajẹ opodo aigba tọn lẹ.+
Mì dọmọ: “Jehovah ko fli devizọnwatọ etọn Jakọbu gọ̀.+
21 Nugbla ma hù yé to whenue ewọ plan yé gbọn nọtẹn he jẹvọ́ lẹ.+
Ewọ hẹn osin nado sà jẹgbonu sọn osé mẹ na yé;E zẹ̀ osé de bo hẹn osin nado tọ́njẹgbonu susugege.”+
22 “Jijọho ma tin na mẹylankan lẹ,” wẹ Jehovah dọ.+
Nudọnamẹ Odò Tọn
^ Kavi vlavo, “mẹhe jẹte wá sọn.”
^ To paa mẹ, “tintan.”
^ Kavi “gbeje we pọ́n.” Kavi vlavo, “de we.”
^ Kavi “ma na má gigo ṣie hẹ.”
^ Kavi “plọn we na dagbe towe titi.”
^ To paa mẹ, “Okún.”
