Mika 5:1-15
5 “Todin, hiẹ to awugblena dewe,Hiẹ viyọnnu he yè ko tọ́nawhàn E;Osla de ko yin dido lẹdo mí.+
Yé yí opò de do hotómẹ na+ whẹdatọ Islaeli tọn.
2 Podọ hiẹ, Bẹtlẹhẹm Eflata E,+Hiẹ he whè gbau nado yin dopo to fọtọ́n* Juda tọn lẹ ṣẹnṣẹn,Hiẹ mẹ wẹ mẹhe na dugán to Islaeli na tọ́n sọn na mi,+Ewọ ko tin sọn hohowhenu, yèdọ sọn ojlẹ dindẹn die.
3 Enẹwutu, Jiwheyẹwhe na jo omẹ etọn lẹ doKakajẹ whenue yọnnu he dona jivi na ko jivi.
Podọ pipotọ nọvisunnu etọn lẹ tọn na lẹkọyi omẹ Islaeli tọn lẹ dè.
4 E na fọnṣite bo na yìn lẹngbọ lẹ to huhlọn Jehovah tọn mẹ,+Yèdọ to aṣẹpipa daho oyín Jehovah Jiwheyẹwhe etọn tọn mẹ.
Yé nasọ nọ nọ̀ hihọ́ mẹ,+Na todin, kiklo-yinyin etọn na yì jẹ opodo aigba tọn lẹ.+
5 Ewọ nasọ hẹn jijọho wá.+
Eyin Asilianu lọ tọ́nawhàn aigba mítọn bo tùnafọ atọ̀họ̀ gángán mítọn lẹ ji,+Míwlẹ na fọ́n lẹngbọhọtọ ṣinawe, mọwẹ, ahọvi* ṣinatọ̀n sọn gbẹtọvi lẹ mẹ sọta ẹ.
6 Yé na yí ohí do sayana* aigba Asilia tọn,+Gọna aigba Nimlọdi tọn+ to họntonu etọn lẹ.
Ewọ nasọ whlẹn mí sọn Asilianu lọ si,+To whenue e na tọ́nawhàn aigba mítọn bo na zinzọnlin gbọn aigba mítọn ji.
7 Pipotọ Jakọbu tọn lẹ na tin to akọta susu ṣẹnṣẹnTaidi ahun he to jijà sọn Jehovah dè,Taidi jikun finfán do ogbé-mú jiEhe ma nọ ze todido etọn do gbẹtọ mẹ
Kavi nọtepọn visunnu gbẹtọvi lẹ tọn.
8 Pipotọ Jakọbu tọn lẹ na tin to akọta lẹ ṣẹnṣẹn,Yèdọ to gbẹtọ susu ṣẹnṣẹn,Taidi kinnikinni de to kanlin zungbo mẹ tọn lẹ ṣẹnṣẹn,Taidi kinnikinni winyanwinyan de to lẹngbọpa lẹ ṣẹnṣẹn,He nọ jugbọn ṣẹnṣẹn yetọn bo nọ jẹ yé ji bosọ nọ tlẹ́n yé do flinflin;Mẹde ma nasọ tin nado whlẹn yé.
9 Alọ towe na yin zizedaga do kẹntọ towe lẹ ji,Bọ kẹntọ towe lẹpo na yin vivasudo.”
10 “To azán enẹ gbè,” wẹ Jehovah dọ,“Yẹn na hù osọ́ mìtọn lẹ sọn ṣẹnṣẹn mìtọn bo na và osọ́-kẹkẹ mìtọn lẹ sudo.
11 Yẹn na và tòdaho mìtọn lẹ sudoBo na họ́ figángán mìtọn lẹpo liai.
12 Yẹn na hẹn owọ́n he mì nọ yizan* wá opodo,Nujlẹtọ depope ma nasọ pò to ṣẹnṣẹn mìtọn.+
13 Yẹn na và boṣiọ pipà mìtọn lẹ po dòtin mìtọn lẹ po sẹ̀ sọn ṣẹnṣẹn mìtọn,Mì ma nasọ dẹ́ do odò na azọ́n alọ mìtọn tọn lẹ ba.+
14 Yẹn na họ̀nadọna dòtin wiwe*+ mìtọn lẹ
Bo na sukúndona tòdaho mìtọn lẹ.
15 Yẹn na yí homẹgble po adi po do hẹn whẹdida ṣẹ
Do akọta he ma setonu lẹ ji.”
Nudọnamẹ Odò Tọn
^ Kavi “akọ̀.”
^ Kavi “nukọntọ.”
^ To paa mẹ, “yìn.”
^ To paa mẹ, “he to alọ mìtọn mẹ.”
