Nahumi 3:1-19
3 Dindọn wẹ na tòdaho hùnsọndaitọ lọ!
E gọ́ pete na oklọ po ajo po.
E ma nọ ba nuhe e na wle pò gbede!
2 Obá nọ to núdọ bọ kẹkẹfọ lẹ nọ to hùnhlún to finẹ,Osọ́ lẹ nọ to wezun ji bọ osọ́-kẹkẹ sọ nọ to linlọ́n.
3 Osọ́nọ nọ to osọ́ ji, ohí nọ to lilẹ́ bọ owhán nọ to sisẹ́,Yè nọ mọ mẹsusu he yin hùhù bọ oṣiọ lẹ sọ nọ yin bibẹpli do gọnu-gọnu
—Oṣiọ lọ lẹ madosọha.
Yé nọ to ahlida mapote do oṣiọ lẹ ji.
4 Ehe yinmọ na galilọ susu galọtọ lọ tọn lẹ wutu,Yèdọ ewọ he yọnwhanpẹ bo tindo nukunmẹ dagbe bosọ yin yọnnu azọ́nyọnẹntọ to owọ́n zinzan mẹ,Ewọ he nọ yí galilọ etọn do domọwle akọta lẹ bosọ nọ yí owọ́n etọn do domọwle whẹndo lẹ.
5 “Pọ́n! Yẹn na diọnukunsọ we,”* wẹ Jehovah awhànpa lẹ tọn dọ,+“N’na klọ́n avọ̀ towe bo de we jẹmẹ́;N’na do omẹ́ towe hia akọta lẹ,Podọ winyan towe hia ahọluduta lẹ.
6 Podọ yẹn na kọ̀n dihó do ji weBo na hẹn we zun nuvọ́nọ;N’na hẹn we zun nupinpọn de.+
7 Mẹdepope he mọ we na nọ họ̀nna we+ bo na nọ dọ dọ,‘Nineve ko yin vivasudo!
Mẹnu wẹ na vẹawu i?’
Fie wẹ yẹn na mọ homẹmiọnnamẹtọ lẹ sọn na we?
8 Be hiẹ pọnte hú No-amọni*+ he to osinwhín Nile tọn lẹ tó dai wẹ ya?+
Osin wẹ lẹdo e pé;Ohù wẹ yin adọkun etọn podọ ohù wẹ sọ yin adó etọn.
9 Etiopia wẹ yin asisa huhlọn madodogbó etọn tọn, gọna Egipti.
Puti+ po Libianu lẹ po wẹ yin alọgọtọ towe lẹ.+
10 Etomọṣo, ewọ lọsu lẹzun kanlinmọ;Ewọ yì kanlinmọgbenu.+
Ovi etọn lẹ lọsu yin hùhù po kanyinylan po to aliklan tòhomẹ-liho* lẹpo tọn ji.
Yé de ovò do sunnu yẹyinọ etọn lẹ ji,Bọ afọgàn lẹ ko yin dido sunnu nukundeji etọn lẹpo.
11 Hiẹ lọsu na nùahànmú;+A na whlá dewe.
A na dín fibẹtado sọn kẹntọ lọ si.
12 Figángán towe lẹpo wẹ taidi ovòtin he sinsẹ́n etọn tintan lẹ bia;Eyin yè húnhún yé, yé na flẹ jẹ onù nuwledutọ lẹ tọn mẹ.
13 Mì pọ́n! Awhànfuntọ mìtọn lẹ taidi yọnnu lẹ to ṣẹnṣẹn mìtọn.
Họngbo otò mìtọn tọn lẹ na yin hunhundonuvo gblagada na kẹntọ mìtọn lẹ.
Miyọ́n wẹ na fiọ dòtin họngbo mìtọn tọn lẹ.
14 Mì dà osin nado dosla!+
Mì hẹn figángán mìtọn lẹ lodo.
Mì jẹte yì ogbọ̀n mẹ bo yàn okọ́;Mì mẹ̀ bliki lẹ.
15 Etlẹ yin to finẹ, miyọ́n na fiọ mì.
Ohí de na sán mì liai.+
E na hù mì sudo dile owẹ̀n flinflin lẹ nọ wà do na ogbé-mú lẹ.+
Mì hẹn mìde sù taidi owẹ̀n flinflin lẹ!
Mọwẹ, mì hẹn mìde sù taidi owẹ̀n lẹ!
16 Mì ko hẹn ajọwatọ mìtọn lẹ sudeji hú sunwhlẹvu olọn tọn lẹ.
Owẹ̀n flinflin lẹ nọ klọ́n ayú yetọn dai bo nọ zlọn yì.
17 Nuhọ́tọ mìtọn lẹ taidi owẹ̀n lẹ,Bọ anademẹtọ mìtọn lẹ taidi ogbẹ́ owẹ̀n lẹ tọn.
Yé nọ whèsla do apó he yè yí zannu do dó lẹ mẹ to avivọ-whenu,Ṣigba, eyin owhè hùn, yé nọ zlọn yì;Mẹde masọ nọ yọ́n fie yé tin te.
18 Ahọlu Asilia tọn E, lẹngbọhọtọ towe lẹ ko samlọngọ;Omẹ nukundeji towe lẹ gbọṣi nọtẹn yetọn lẹ.
Omẹ towe lẹ ko gbàpe gbọn osó lẹ ji,Mẹde masọ to yé bẹpli dopọ.+
19 Kọgbọ de ma tin na we sọn nugbajẹmẹji towe mẹ.
Awugble towe ma sọgan yin hinhẹn gbọ.
Mẹhe sè linlin gando gowe lẹpo wẹ na yí alọ yetọn lẹ do hopẹ́;+Na mẹnu wẹ ma ko jiya kanyinylan madoalọte towe tọn?”+
