Danuwiwa jaguda-gbẹ́ lẹ tọn to núgbà taun to Haïti. Sẹ́nhẹngba po danuwiwa po to jijideji to Afrique du Sud po Mexique po gọna otò Amérique Latine tọn devo lẹ mẹ. Etlẹ yin to fihe danuwiwa ko depò te lẹ, linlin lẹ dohia dọ nutindo mẹlẹ tọn finfin kavi hinhẹngble ko zọ́n bọ mẹsusu nọ tindo numọtolanmẹ ayimajai po hihọ́ matindo po tọn.

 Etẹ Biblu dọ gando sẹ́nhẹngba he to jijọ lẹdo aihọn pé lọ go?

 Biblu ko dọ jẹnukọn dọ sẹ́nhẹngba na yin apadewhe ohia “vivọnu titonu lọ tọn.” (Matiu 24:3) Whenue Jesu Klisti to zẹẹmẹ basi gando nujijọ he ohia lọ na bẹhẹn lẹ go, e dọmọ:

•    “Na jideji sẹ́nhẹngba tọn wutu, owanyi suhugan gbẹtọ lẹ tọn na miọn.”—Matiu 24:12.

 Biblu sọ dọ dọdai dọ “to azán godo tọn lẹ mẹ,” gbẹtọ lẹ na yin “wazẹjlẹgonọ, kanylantọ, owanyi dagbewà tọn matindotọ.” (2 Timoti 3:1-5) Jijọ ṣejannabi tọn enẹlẹ wẹ nọ yidogọna nuyiwa sẹ́nhẹngba tọn he mí nọ mọ to egbehe lẹ.

 Amọ́ whẹwhinwhẹ́n dagbe susu tin nado tindo todido. Biblu dopà dọ to madẹnmẹ, sẹ́nhẹngba na busẹ mlẹnmlẹn.

•    “Na whenu pẹẹde dogọ, mẹylankan lẹ ma na tin ba; hiẹ na pọ́n fie yé nọ nọ̀ dai, yé ma nasọ to finẹ. Ṣigba, homẹmimiọnnọ lẹ wẹ na dugu aigba tọn, yé nasọ nọ mọ awuvivi susu to jijọho susugege mẹ.”—Salmu lẹ 37:10, 11.

 Plọnnu dogọ gando owẹ̀n todido tọn he to Biblu mẹ go, gọna nuhewutu a gán kudeji dọ nujijọ he mọ mí te to egbehe lẹ to dọdai Biblu tọn lẹ hẹndi. Gbadopọnna hosọ he bọdego ehelẹ.

 “Todido Tin Dọ Osọ Na Yọ́n”

 “Etẹwẹ Yin Ohia “Azán Godo Tọn lẹ,” Kavi ‘Ojlẹ Opodo Tọn’ lọ Tọn?”

 “La Bible a-​t-​elle prédit la mentalité et la conduite des gens de notre époque?”