GBẸZAN KLISTIANI TỌN
Gọalọna Ovi Towe lẹ Nado Wleawuna Yise Dolido to Mẹdatọ lọ Mẹ
Nudida lẹ nọ lá gigo Jehovah tọn. (Slm 19:1-4; 139:14) Amọ́, aihọn Lẹgba tọn nọ hẹn tamẹnuplọnmẹ he nọ de yẹyi sọn Jiwheyẹwhe go lẹ gbayipe gando bẹjẹeji ogbẹ̀ tọn go. (Lo 1:18-25) Nawẹ a sọgan glọnalina linlẹn mọnkọtọn lẹ ma nado doadọ̀do to ahun ovi towe lẹ tọn mẹ gbọn? Gọalọna yé sọn ovu whenu nado wleawuna yise dọ Jehovah tin bo nọ hò dopodopo yetọn tọn pọ́n. (2Kọ 10:4, 5; Efe 6:16) Nọ dindona nuhe to ahun yetọn mẹ gando nuhe nọ yin pinplọn yé to wehọmẹ lẹ go bo nọ yí azọ́nwanu susu he tin-to-aimẹ lẹ zan nado jẹ ahun yetọn mẹ.—Hwh 20:5; Jak 1:19.
PỌ́N VIDEO LỌ NUHE OGBẸ́ TOWE LẸ NỌ DỌ—YISE TINTINDO TO JIWHEYẸWHE MẸ, ENẸGODO GBADOPỌNNA KANBIỌ HE BỌDEGO LẸ:
Otàngblo tẹwẹ gbayipe gando yise to Jiwheyẹwhe mẹ go?
Etẹwẹ nọ yin pinplọnmẹ to wehọ towe mẹ?
Etẹwẹ hẹn we kudeji dọ Jehovah tin?
Nawẹ hiẹ sọgan yihojlẹdohogo hẹ mẹde dọ Jiwheyẹwhe wẹ dá nulẹpo gbọn?
A Gán Sọ Pọ́n Hosọ Ehelẹ
KANBIỌ HE JỌJA LẸ NỌ KANSE
Nulẹ Yin Didá Wẹ Ya Kavi Yé Wá Gbẹ̀mẹ Na Yede?—Adà 1: Naegbọn N’Nado Yise to Jiwheyẹwhe Mẹ?
Be e na jlo we nado nọ basi zẹẹmẹ po nujikudo po dogọ do nuhewutu a tindo yise to Jiwheyẹwhe mẹ ji ya? Pọ́n ayinamẹ delẹ he na gọalọna we nado yọ́n lehe a na yinuwa do to whenue mẹde kanhose we gando nuyise towe go.
