To 23 mars, nudi jonọ livi 12 kavi humọ wẹ mí to nukundo nado wá Oflin lọ. Yé na mọ Kunnudenu ayidego tọn lẹ yí dile hodọtọ lọ na to hodọdo nunina ofligọ tọn he Jehovah basi po dona sọgodo tọn he gbẹtọvi lẹ na duvivi etọn po ji! (Isa 11:6-9; 35:5, 6; 65:21-23; Joh 3:16) Etomọṣo, e ma yin hodọtọ lọ kẹdẹ wẹ na dekunnu to nujijọ vonọtaun ehe whenu. Mímẹpo sọgan wàmọ gbọn kuavọ zohunhun tọn didona jonọ lẹ dali. (Lo 15:7) Ayinamẹ delẹ die.

• Kakati nado yì sinai whii bo to tepọn tito-to-whinnu lọ nado bẹjẹeji, dokuavọna jonọ lẹ gọna mẹhe ko gbọjọ lẹ po nukiko yẹsẹ de po, bo dọnudo yé po zohunhun po

• Dile a na to ayidonugo vonọtaun na mẹyọnmẹ he hiẹ lọsu basi oylọna lẹ, sọ na ayidonugo mẹdevo he sọgan ko mọ oylọ-basinamẹwe lọ yí to nujijla lọ whenu lẹ. Biọ to mẹyọyọ lẹ si nado sin apá towe bo zan Biblu po ohanwe towe po hẹ yé

• To hodidọ lọ godo, wleawufo nado na gblọndo kanbiọ yetọn lẹ tọn. Eyin mì ma tindo whenu susu na agun mìtọn dona tọ́n bo jotẹnna agun devo wutu, basi tito nado dla mẹlọ pọ́n to azán kleun de gblamẹ. Eyin a ma tindo adlẹsi kavi sọha alokan etọn tọn, a sọgan dọmọ: “E na jlo mi nado yọ́n nuhe mì lẹn gando opli lọ go. Nawẹ n’sọgan mọ mì gbọn?”