17-23 Mars
HOWHINWHẸN LẸ 5
Ohàn 122 po Odẹ̀ Po | Hodidọ Bẹjẹeji Tọn (Nuk. 1)
1. Nọ Họ̀nna Fẹnnuwiwa Zanhẹmẹ Tọn
(Nuk. 10)
Fẹnnuwiwa zanhẹmẹ tọn gán di nue dọnmẹ (Hwh 5:3; w00 15/7 29 huk. 2)
E nọ dekọtọn do awubla mẹ bo nọ wá vẹnamẹ (Hwh 5:4, 5; w00 15/7 29 huk. 3)
Nọ họ̀nna fẹnnuwiwa zanhẹmẹ tọn (Hwh 5:8; w00 15/7 29 huk. 6)
Mẹmẹyọnnu de gbẹ́ ma nado yí sọha alokan tọn etọn na dẹpẹ de
2. Onú Sisosiso Gbigbọmẹ Tọn Lẹ
(Nuk. 10)
-
Hwh 5:9—Nawẹ fẹnnuwiwa zanhẹmẹ tọn nọ zọ́n bọ yè nọ ‘jo yẹyi mẹtọn na mẹdevo lẹ’ gbọn?(w00 15/7 29 huk. 8)
-
Onú sisosiso gbigbọmẹ tọn tẹlẹ wẹ a mọ to Biblu hihia osẹ ehe tọn mẹ, he a jlo na má hẹ mẹdevo lẹ?
3. Biblu Hihia
(Nuk. 4) Hwh 5:1-23 (th nupọnnamẹ 5)
4. Hodọdopọ de Bibẹjẹeji
(Nuk. 3) KUNNUDIDE GBANGBA TỌN. Basi oylọna mẹde he ma jẹakọ hẹ sinsẹ̀n Klistiani tọn wá Oflin, bo yí jw.org zan nado mọ fie hùnwhẹ lọ na yin bibasi te to lẹdo etọn mẹ. (lmd nupinplọn 6 hóvila 4)
5. Afọdidona Mẹhe Do Ojlo Hia Lẹ
(Nuk. 4) WHÉDEGBÈ JẸ WHÉDEGBÈ. To dlapọn he wayi lọ whenu, mẹlọ kẹalọyi oylọ-basinamẹ Oflin tọn bo do ojlo hia. (lmd nupinplọn 9 hóvila 5)
6. Gbẹtọ lẹ Hinhẹn Zun Devi
(Nuk. 5) lff nupinplọn 16 bladopọ, dogbapọn, po yanwle po. Nuplọntọ lọ kanse eyin Jesu wlealọ. Do lehe e gán basi dodinnanu nado mọ gblọndo lọ do hia ẹ. (lmd nupinplọn 11 hóvila 4)
Ohàn 121
7. Lehe A Gán Nọ Wiweji to Họntọn mẹ Do
(Nuk. 15) Hodọdopọ.
To paa mẹ, yè gán ylọ “nuwiwa depope he mẹ sunnu po yọnnu de po nọ na ayidonugo vonọtaun ode awetọ te” dọ họntọnmẹninọ. Nuwiwa lọ sọgan yin to pipli de mẹ kavi dọ yé to yedeṣo, e sọgan yin to gbangba kavi to nuglọ. E sọgan yin dọ yé nọ mọ yede nukun-sọ-nukun, nọ dọho gbọn alokan ji kavi gbọn wekanhlanmẹ alokan ji tọn gblamẹ. Mí ma nọ pọ́n họntọnmẹninọ hlan taidi ayidedai de poun gba. Kakatimọ, mí nọ yí nukun nujọnu tọn do pọ́n ẹn, na haṣinṣan titengbe de he nọ jẹnukọnna alọwle wẹ. Vlavo mí yin jọja kavi mẹho bo to họntọn mẹ, etẹwẹ yin delẹ to nue gán gọalọna mí nado dapana fẹnnuwiwa zanhẹmẹ tọn lẹ mẹ?—Hwh 22:3.
Hò VIDEO lọ Awuwiwlena Alọwle—Adà 1: Be N’Ko Wleawufo Nado Biọ Họntọn mẹ Ya?—Adà Kleun De. Enẹgodo, kanse mẹplidopọ lẹ dọ:
-
Etẹwutu mẹde ma dona biọ họntọn mẹ kakajẹ whenue e ko wleawufo nado wlealọ? (Hwh 13:12; Luk 14:28-30)
-
Etẹwẹ a yiwanna to aliho he mẹ mẹjitọ lọ lẹ gọalọna viyọnnu yetọn te mẹ?
Hia Howhinwhẹn lẹ 28:26. Enẹgodo, kanse mẹplidopọ lẹ dọ:
-
Nawẹ sunnu po yọnnu he to họntọn mẹ de po gán wleawu jẹnukọn nado dapana yedeṣo ninọ to ninọmẹ he gán whlé yé pọ́n lẹ mẹ gbọn?
-
Etẹwutu e do yin nujọnu dọ sunnu po yọnnu he to họntọn mẹ de po ni dọhodopọ bo ze dogbó he họnwun lẹ dai na nue dù owanyi didohia, taidi alọ go hinhẹn na ode awetọ po nùdonùgo namẹ po?
Hia Efesunu lẹ 5:3, 4. Enẹgodo, kanse mẹplidopọ lẹ dọ:
-
Etẹ go wẹ sunnu po yọnnu he to họntọn mẹ de po dona payi gando hodọdopọ yetọn to alokan ji kavi to Intẹnẹt ji go?
8. Biblu Pinplọn Agun Tọn
(Nuk. 30) bt weta 24 huk. 1-6
